'2.0' കേരള റൈറ്റ്സിനായി ടോമിച്ചത് മുളകുപാടം മുടക്കിയത് 15 കോടിക്ക് മുകളിൽ!

'2.0' കേരള റൈറ്റ്സിനായി ടോമിച്ചത് മുളകുപാടം മുടക്കിയത് 15 കോടിക്ക് മുകളിൽ!

Rijisha M.| Last Modified വെള്ളി, 16 നവം‌ബര്‍ 2018 (08:49 IST)
തമിഴിലെ വലിയ താരങ്ങളുടെ ചിത്രങ്ങള്‍ക്കെല്ലാം കേരളത്തില്‍ മികച്ച ഓപ്പണിംഗ് കിട്ടാറുണ്ട്. വിജയ് നായകനായ ‘സര്‍ക്കാര്‍’ തന്നെ ഏറ്റവും വലിയ ഉദാഹരണം. ശങ്കര്‍ സംവിധാനം ചെയ്ത രജനികാന്ത് ചിത്രം ‘2.0’ ആണ് കേരളത്തില്‍ വലിയ വിജയമാകുമെന്ന് പ്രതീക്ഷിക്കുന്ന അടുത്ത തമിഴ് സിനിമ. ഈ മാസം അവസാനമാണ് ചിത്രം പ്രദര്‍ശനത്തിനെത്തുന്നത്.

സര്‍ക്കാരും ബാഹുബലിയും നേടിയ വമ്പന്‍ വിജയത്തിന്‍റെ പശ്ചാത്തലത്തില്‍ വലിയ തുകയ്ക്കാണ് ‘2.0’യുടെ കേരള വിതരണാവകാശം വിറ്റുപോയിരിക്കുന്നത്. ടോമിച്ചന്‍ മുളകുപ്പാടത്തിന്‍റെ മുളകുപ്പാടം ഫിലിംസ് 14 കോടി രൂപ നല്‍കിയാണ് 2.0യുടെ കേരള വിതരണാവകാശം സ്വന്തമാക്കിയിരിക്കുന്നതെന്ന് വാർത്തകൾ ഉണ്ടായിരുന്നു. അതിൽ സത്യമുണ്ടോ എന്ന് ടോമിച്ചൻ മുളകുപാടം തന്നെ ഇപ്പോൾ പറയുകയാണ്.

'4.5 കോടി ഒന്നുമല്ല, അതിനേക്കാള്‍ മുകളിലാണ് കൊടുത്തിരിക്കുന്നത്. 15 കോടിക്ക് മുകളിലാണ് കൊടുത്തിരിക്കുന്നതെ'ന്ന് അദ്ദേഹം വ്യക്തമാക്കിയിട്ടുണ്ട്. ഇതുവരെ ഒരു മറുഭാഷാ സിനിമയ്ക്കും ലഭിക്കാത്ത തുകയാണ് ഇതിനായി മുടക്കിയിരിക്കുന്നത് എന്നാൽ, '600 കോടി മുതല്‍മുടക്കുള്ള പടമല്ലേ? എന്തെങ്കിലുമൊക്കെ ഉണ്ടാവില്ലേ സിനിമയിൽ‍? നമ്മള്‍ സിനിമ നിര്‍മ്മിക്കുന്ന ആളുകളല്ലേ?' എന്നാണ് അദ്ദേഹത്തിന്റെ വാദം.



ഇതിനെക്കുറിച്ച് കൂടുതല്‍ വായിക്കുക :