മമ്മൂട്ടി ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്ര‌മാണ് ദ ഗ്രേറ്റ് ഫാദർ. ഒരു പുതുമുഖ സംവിധായകന് ലഭിക്കുന്ന ഏറ്റവും മികച്ച വരവേൽപ്പാണ് ഹനീഫ് അദേനിയ്ക്ക് ലഭിക്കുന്നത്. ചിത്രത്തിന്റെ മോഷൻ പോസ്റ്റർ അണിയറ പ്രവർത്തകർ പുറത്തുവിട്ടു.

ദുല്‍ഖര്‍ സല്‍മാന്‍ ചിത്രത്തിന്റെ മോഷന്‍ പോസ്റ്റര്‍ ഫേസ്ബുക്കിലൂടെ ഷെയര്‍ ചെയ്തിട്ടുണ്ട്. ഈ വര്‍ഷം ഏറ്റവും സ്റ്റൈലിഷാകാന്‍ പോകുന്ന ചിത്രം എന്ന് പറഞ്ഞാണ് ദുല്‍ഖര്‍ തന്റെ ഒഫീഷ്യല്‍ പേജിലൂടെ മോഷന്‍ പോസ്റ്റര്‍ ഷെയര്‍ ചെയ്തത്. ദുല്‍ഖറിന്റെ പോസ്റ്റ് നടന്‍ സണ്ണി വെയ്‌നും ഫേസ്ബുക്കിലൂടെ ഷെയര്‍ ചെയ്തിട്ടുണ്ട്.

ആഗസ്റ്റ് സിനിമയുടെ ബാനറില്‍ പൃഥ്വിരാജ്, ഷാജി നടേശന്‍, ആര്യ, സന്തോഷ് ശിവന്‍ എന്നിവര്‍ നിര്‍മ്മിക്കുന്ന ചിത്രം മാർച്ചിലാണ് തീയേറ്ററുകളിൽ എത്തുക. സ്‌നേഹയാണ് നായിക. ബേബി അനിഖ മമ്മൂട്ടിയുടെ മകളുടെ വേഷത്തിലെത്തുന്നുണ്ട്. ഈ വര്‍ഷം പുറത്തിറങ്ങുന്ന മമ്മൂട്ടിയുടെ ആദ്യ മലയാളം ചിത്രം കൂടിയാണ് ദി ഗ്രേറ്റ് ഫാദര്‍.