സഹനടനായി എത്തി പതിയെ ഉയർന്ന് തമിഴ് സിനിമയിലെ താരമൂല്യമുള്ള നടനായി മാറിയ താരമാണ് ശിവകാർത്തികേയൻ. ഒരു സിനിമയിൽ അഭിനയിക്കാനായി നിലവിൽ നടൻ വാങ്ങുന്ന പ്രതിഫലം എത്രയാണെന്ന് അറിയാമോ? തീർന്നില്ല സംവിധായക മോഹവും നടൻറെ ഉള്ളിൽ കിടക്കുന്നുണ്ട്. അതിനെക്കുറിച്ചും ശിവകാർത്തികേയൻ തന്നെ തുറന്നു പറയുകയാണ്.

ഓരോ സിനിമയ്ക്കും ഓരോ പ്രതിഫലം ആണ് വാങ്ങുന്നത്. കരിയറിന്റെ തുടക്കം മുതൽ നിശ്ചിത പ്രതിഫലം വാങ്ങിയിട്ടില്ല. സിനിമയുടെ വലുപ്പം നോക്കിയാണ് പ്രതിഫലം തീരുമാനിക്കുന്നത്. കരാർ ഒപ്പിടുന്നതിന് മുമ്പ് സിനിമയെക്കുറിച്ച് ആഴത്തിൽ മനസ്സിലാക്കാറുണ്ടെന്നും നിർമ്മാതാവിന്റെ ശേഷി അനുസരിച്ച് പ്രതിഫലം കുറയ്ക്കാറുണ്ടെന്നും ശിവകാർത്തികേയൻ പറഞ്ഞു. റിലീസിന് ഒരുങ്ങുന്ന അയലാൻ എന്ന സിനിമയുടെ പ്രമോഷനിടെയാണ് ഇക്കാര്യത്തെക്കുറിച്ച് തുറന്നു സംസാരിച്ചത്. അഭിനയരംഗത്തേക്ക് വരുന്നതിനുമുമ്പ് സംവിധായകന നെൽസണിന്റെ സഹായിയായി പ്രവർത്തിച്ചിരുന്നു. എന്നാൽ സിനിമയിലെത്തിയ ശേഷമാണ് സംവിധാനം ഇത്രയ്ക്ക് ബുദ്ധിമുട്ടുള്ളതാണെന്ന് മനസ്സിലാക്കിയത്. എന്നാൽ ഒരിക്കൽ സിനിമ സംവിധാനം ചെയ്യാൻ ആഗ്രഹിക്കുന്നുണ്ടെന്നും ശിവകാർത്തികേയൻ വെളിപ്പെടുത്തി.
ALSO READ:
വീണ്ടും സെല്‍ഫിയുമായി വിജയ്, ആരാധകരെ ആവേശത്തിലാക്കി വൈറല്‍ ചിത്രം

ശിവകാർത്തികേയൻ പ്രധാന കഥാപാത്രത്തെ അവതരിപ്പിക്കുന്ന പുതിയ ചിത്രമാണ് അയലാൻ.സയൻസ് ഫിക്ഷൻ ചിത്രം ആർ രവികുമാറാണ് സംവിധാനം ചെയ്തിരിക്കുന്നത്. ചിത്രം ജനുവരി 12ന് പ്രദർശനത്തിന് എത്തും.ALSO READ:
ഒറ്റ ക്ലിക്കില്‍ 3 അപ്‌ഡേറ്റുകള്‍! കമല്‍ഹാസന്‍, മമ്മൂട്ടി, പൃഥ്വിരാജ് തുടങ്ങിയ താരങ്ങളുടെ സിനിമകളെ കുറിച്ചുള്ള പുതിയ വിവരങ്ങള്‍