ഒടിയനെ കൂവിത്തോൽപ്പിക്കാൻ സാധിക്കില്ലെന്ന് ചിത്രത്തിന്റെ സംവിധായകൻ വിഎ ശ്രീകുമാർ മേനോൻ.

സിനിമയ്‌ക്കെതിരായി സൈബർ ആക്രമണം നടത്തുന്നതിനു പിന്നില്‍ ആരാണെന്ന് അറിയില്ല. ഇക്കാര്യത്തില്‍ തെളിവ് ലഭിക്കാത്തതിനാൽ വ്യക്തിപരമായ ആരോപണം ഉന്നയിക്കുന്നില്ലെന്നും സംവിധായകന്‍ പറഞ്ഞു.

മഞ്ജു വാര്യരെ സഹായിക്കാൻ തുടങ്ങിയ കാലം മുതൽ ആരംഭിച്ച ആക്രമണമാണ് ഇപ്പോഴും തുടരുന്നത്. താനൊരു ശരാശരി സംവിധായകനാണ്. തന്റെ രീതിയിലുള്ള മാസ് ചിത്രമാണ് ഒടിയനെന്നും അദ്ദേഹം വ്യക്തമാക്കി.

എംടിയുമായി തര്‍ക്കമില്ല. തെറ്റിദ്ധാരണ മാത്രമാണുള്ളത്. അടുത്ത വർഷം പകുതിയോടെ രണ്ടാമൂഴം ആരംഭിക്കാൻ സാധിക്കുമെന്നാണ് കരുതുന്നതെന്നും പ്രസ് ക്ലബിന്റെ മുഖാമുഖത്തിൽ ശ്രീകുമാർ മേനോൻ വ്യക്തമാക്കി.