തന്റെ രാഷ്ട്രീയ ജീവിതം സിനിമ കരിയറിനെ ബാധിച്ചുവെന്ന് നടി കങ്കണ റണാവത്ത്. അമേരിക്കന്‍ മാഗസീനായ വെറൈറ്റിക്ക് നല്‍കിയ അഭിമുഖത്തിലാണ് ഒരു രാഷ്ട്രീയക്കാരിയാകുന്നത് അത്ര എളുപ്പമല്ലെന്ന് കങ്കണ പറഞ്ഞത്. മാണ്ഡി മണ്ഡലത്തില്‍ നിന്നാണ് കങ്കണാ ലോകസഭ അംഗമായി തിരഞ്ഞെടുക്കപ്പെട്ടത്. ഇന്ദിരാഗാന്ധിയായി താരമെത്തുന്ന എമര്‍ജന്‍സി തീയറ്ററുകളിലേക്ക് എത്തുകയാണ്. സെപ്റ്റംബര്‍ ആറിനാണ് സിനിമ തിയേറ്ററുകളില്‍ റിലീസ് ചെയ്യുന്നത്. ഒരു പാര്‍ലമെന്റ് ആവുക എന്നത് വളരെ പ്രധാനപ്പെട്ട ജോലിയാണ്. എന്റെ നിയോജക മണ്ഡലത്തില്‍ വെള്ളപ്പൊക്കം ഉണ്ടായിട്ടുണ്ട്. അതിനാല്‍ ഞാന്‍ എല്ലായിടത്തും എത്തേണ്ടതായി വരുന്നു. എന്റെ രാഷ്ട്രീയ ജീവിതം കാരണം സിനിമ കരിയര്‍ പിന്നോട്ട് പോയി.

സിനിമയുമായി ബന്ധപ്പെട്ട ജോലികള്‍ നിര്‍ത്തിവച്ചിരിക്കുകയാണ്. ഷൂട്ടിംഗ് തുടങ്ങിയിട്ടില്ല. ശീതകാല സമ്മേളനം പോലെയുള്ള കൂടുതല്‍ പാര്‍ലമെന്റ് സമ്മേളനങ്ങളുടെ വിശദാംശങ്ങള്‍ ലഭിക്കാന്‍ കാത്തിരിക്കുകയാണ്. അതിനനുസരിച്ച് വേണം ഷൂട്ടിംഗ് ഷെഡ്യൂളുകള്‍ തീരുമാനിക്കാനെന്നും കങ്കണ പറഞ്ഞു.