പ്രണവ് മോഹന്‍ലാലിനെ വിവാഹം ചെയ്യാന്‍ ഇഷ്ടമാണെന്ന് നടി ഗായത്രി സുരേഷ് പറഞ്ഞത് ട്രോളുകള്‍ക്കും വിമര്‍ശനങ്ങള്‍ക്കും ഇടയാക്കിയിരുന്നു. ഇപ്പോഴിതാ ബദല്‍ എന്ന സിനിമയുടെ പ്രമോഷന്‍ പരിപാടികള്‍ക്കിടയിലും പ്രണവിനെക്കുറിച്ചുള്ള ചോദ്യങ്ങള്‍ നടി നേരിടേണ്ടിവന്നു. പ്രണവിനോടുള്ള വികാരമെന്താണെന്ന് ചോദ്യം.

പ്രണവിനോട് നല്ല ഇഷ്ടമുണ്ടായിരുന്നുവെന്നും പ്രണവുമായുള്ള സൗഹൃദമാണെങ്കിലും മതിയെന്നാണ് താന്‍ ആഗ്രഹിച്ചതെന്നും ഗായത്രി പറയുന്നു. താനൊരു ഫാന്റസി പേഴ്‌സണ്‍ ആണെന്നും അതുകൊണ്ടാണ് ഒരുപാട് വിളിച്ചുപറഞ്ഞതെന്നും നടി ഇപ്പോള്‍ പറയുന്നു.

'രണ്ട് വര്‍ഷം മുമ്പ് എനിക്ക് ബോധം കുറവായിരുന്നു. പക്ഷെ എനിക്ക് പ്രണവിനോട് നല്ല ഇഷ്ടവുമുണ്ടായിരുന്നു. പ്രണവിനെ കുറിച്ച് ഞാന്‍ ഒരുപാട് കേട്ടിട്ടുണ്ട്. അതുകൊണ്ട് തന്നെ അദ്ദേഹത്തിന്റെ കാഴ്ചപ്പാടും മറ്റും അടുത്ത് അറിയാന്‍ താല്‍പര്യമുണ്ടായിരുന്നു.പ്രണവുമായുള്ള സൗഹൃദമാണെങ്കിലും മതിയെന്നാണ് ഞാന്‍ ആഗ്രഹിച്ചത്. പിന്നെ ഞാന്‍ ഒരു ഫാന്റസി പേഴ്സണാണ്. അതുകൊണ്ടാണ് ഒരുപാട് വിളിച്ച് പറഞ്ഞതും ഈഗോ കയറിയതും ആളുകള്‍ പിരികേറ്റിയതുമെല്ലാം. അതുകൊണ്ടൊക്കെയാണ് കൂടുതല്‍ വിളിച്ച് പറഞ്ഞത്. ഇപ്പോള്‍ എല്ലാത്തിലും എനിക്ക് ക്ലാരിറ്റി വന്നിട്ടുണ്ട് ',-ഗായത്രി സുരേഷ് പറഞ്ഞു.