'അച്ഛന്റെ ആദ്യത്തെ ഹിറ്റ് തെങ്കാശിപ്പട്ടണം, അത് ലാല് അങ്കിള് പ്രൊഡ്യൂസ് ചെയ്ത പടം';നടികര് വിശേഷങ്ങളുമായി ചന്തു സലിംകുമാര്
Chandu Salimkumar
'ഞാന് സിനിമയില് അഭിനയിക്കാന് പോകുന്നുവെന്ന് പറഞ്ഞപ്പോള് അച്ഛന് ആദ്യം പറഞ്ഞത് എന്റെ ആദ്യത്തെ സിനിമ കഴിയുന്നതിനുമുമ്പ് വേറൊരു സിനിമയില് നിന്ന് കോള് വരണംം അല്ലെങ്കില് നീയൊരു ആര്ട്ടിസ്റ്റ് അല്ല എന്നായിരുന്നു. അപ്പോള് എനിക്ക് അച്ഛന്റെ മുന്നില് ആളാവാന് അവസരം ഒരുക്കി തന്ന ആളാണ് ജീന്പോള് ചേട്ടന്. ജീന് ചേട്ടനോടാണ് എനിക്ക് ഏറ്റവും വലിയ നന്ദി പറയാനുള്ളത്. അവിടെ ഞാന് തോറ്റില്ല.ചേട്ടന് എന്നെ പടം കഴിയുന്നതിന് മുമ്പ് തന്നെ വിളിച്ചു. നടികളില് നിന്ന് ആദ്യത്തെ കോള് വന്നപ്പോള് അച്ഛന് എന്നോട് പറഞ്ഞത് ലാലേട്ടന്റെ പടമാണ് നീ എന്തായാലും ചെയ്യണം ബാക്കിയുള്ളവര് പറയുന്നത് കേള്ക്കുകയോ ഒന്നും വേണ്ട എന്നായിരുന്നു.
കാരണം അച്ഛന്റെ ആദ്യത്തെ ഹിറ്റ് തെങ്കാശിപ്പട്ടണം ആയിരുന്നു. അത് ലാല് അങ്കിള് പ്രൊഡ്യൂസ് ചെയ്ത പടമാണ്. നടികറും അങ്ങനെയാവട്ടെ എന്ന് ആഗ്രഹിക്കുന്നു '-ചന്തു സലിംകുമാര് പറഞ്ഞു.
