ഫിറ്റ്‌നസിന്റെ കാര്യത്തില്‍ വിട്ടുവീഴ്ചയില്ല ഉണ്ണി മുകുന്ദന്‍. ജീവിതത്തിലെ ഇത്തിരി സമയം അതിനുവേണ്ടി മാറ്റിവയ്ക്കുന്നതിന് മടി കാട്ടാറില്ല നടന്‍. ശരീര സൗന്ദര്യം കാത്തുസൂക്ഷിക്കാന്‍ ഇഷ്ടപ്പെടുന്ന താരത്തിന്റെ വര്‍ക്കൗട്ട് വീഡിയോകള്‍ക്ക് വലിയ ആരാധക പിന്തുണയും ലഭിക്കാറുണ്ട്. ഇപ്പോഴതാ തന്റെ പുതിയൊരു ചിത്രം പങ്കുവെച്ചിരിക്കുകയാണ് താരം.

'ഫ്‌ലൈ'എന്നാണ് ചിത്രത്തിനൊപ്പം ഉണ്ണി മുകുന്ദന്‍ എഴുതിയിരിക്കുന്നത്.

സിക്‌സ് പാക്കില്‍ മാസ് ലുക്കിലുള്ള ചിത്രമാണിത്. 'മലയാളത്തിന്റെ ഹൃത്വിക് റോഷന്‍' എന്നാണ് ആരാധകര്‍ ചിത്രത്തിന് താഴെ കമന്റ് ആയി എഴുതിയിരിക്കുന്നത്.

'ജയ് ഗണേഷ്' എന്ന ചിത്രമാണ് താരത്തിന്റേതായി ഇനി വരാനിരിക്കുന്നത്.

രഞ്ജിത്ത് ശങ്കര്‍ സംവിധാനം ചെയ്യുന്ന ചിത്രത്തില്‍ മഹിമ നമ്പ്യാരാണ് നായികയാവുന്നത്. അഭിഭാഷകയുടെ വേഷത്തില്‍ മലയാളത്തിന്റെ പ്രിയ നടി ജോമോള്‍ അഭിനയിക്കുന്നുണ്ട്. ഇത് താരത്തിന്റെ തിരിച്ചുവരവ് കൂടിയാണ് അത്.

അശോകന്‍, ഹരീഷ് പേരടി എന്നിവരും താരനിരയിലുണ്ട്.