'സര്‍വോപരി പാലാക്കാരൻ‍' എന്ന ചിത്രത്തിന് ശേഷം അനൂപ് മേനോൻ നായക വേഷത്തിലെത്തുന്ന പുതിയ ചിത്രമാണ് 'എന്റെ മെഴുതിരി അത്താഴങ്ങൾ'‍. റൊമാന്റിക് ത്രില്ലറായ ചിത്രത്തിന്റെ തിരക്കഥ ഒരുക്കിയിരിക്കുന്നതും അനൂപ് തന്നെയാണ്. നവാഗതനായ സൂരജ് ടോം ആദ്യമായി സംവിധാനം ചെയ്യുന്ന ചിത്രമെന്ന് പ്രത്യേകതയും 'എന്റെ മെഴുതിരി അത്താഴങ്ങൾ'ക്ക് ഉണ്ട്.

ചിത്രത്തിന്റെ പുറത്തിറങ്ങിയ പാട്ടുകൾക്കും പോസ്‌റ്ററുകൾക്കുമെല്ലാം തന്നെ സോഷ്യൽ മീഡിയകളിലടക്കം മികച്ച പ്രതികരണങ്ങൾ ആയിരുന്നു ലഭിച്ചിരുന്നത്. ദുൽഖർ സൽമാൻ ആയിരുന്നു ചിത്രത്തിന്റെ ടീസർ ആരാധകർക്കായി പങ്കിട്ടത്. എന്നാൽ ഇപ്പോൾ ചിത്രത്തിന്റെ ട്രെയിലറാണ് സോഷ്യൽ മീദിയകളിൽ വൈറലായിക്കൊണ്ടിരിക്കുന്നത്.

നടൻ മോഹൻലാൽ തന്റെ ഫേസ്‌‌ബുക്ക് പേജിലൂടെ പങ്കിട്ട ട്രെയിലർ ആരാധകർ ഏറ്റെടുത്തിരിക്കുകയാണ്. ആകാംക്ഷ ഉണർത്തുന്ന രംഗങ്ങളുമായാണ് ട്രെയിലർ എത്തിയിരിക്കുന്നത്. മിയാ ജോര്‍ജും ഹന്നയും ചിത്രത്തില്‍ നായികമാരായെത്തുമ്പോൾ സംവിധായകരായ ലാല്‍ ജോസ്, ശ്യാമപ്രസാദ്, ദിലീഷ് പോത്തൻ‍, തുടങ്ങിയവർ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.