അനുബന്ധ വാര്ത്തകള്
- സ്ലീവ് ലസ്സ് ഗൗണില് തിളങ്ങി നവ്യ നായർ; ബോൾഡ് ലുക്കെന്ന് ആരാധകർ
- കാതടിപ്പിക്കുന്ന അലറൽ; പ്രതികരിച്ച് കങ്കുവയുടെ നിർമാതാവ്
- ജനറേഷന് ഗ്യാപ്പായതുകൊണ്ടാകും; ടൊവിനോയുടെ ഈ പടം തനിക്ക് ഇഷ്ടമായില്ലെന്ന് നടന് മധു
- 'കങ്കുവ കാണാന് പോകുന്നവര് തിയറ്ററില് ചെവി പൊത്തി ഇരിക്കുക'; 105 ഡെസിബല് അലര്ച്ചയെന്ന് സോഷ്യല് മീഡിയ !
- ദളപതിയെ തൊടാനായില്ല, സൂര്യയുടെ സമയദോഷമോ?
തിയേറ്ററിൽ ക്ലിക്കായി ആനന്ദ് ശ്രീബാല; കങ്കുവ ഇനിയൊരു ഭീഷണിയേ അല്ല!
വിഷ്ണു വിനയൻ ആദ്യമായി സംവിധാനം ചെയ്ത ആനന്ദ് ശ്രീബാല ഇന്നലെയാണ് റിലീസ് ആയത്. കങ്കുവ പോലൊരു ബിഗ് ബജറ്റ് ചിത്രത്തിന് ക്ലാഷ് വെയ്ക്കാൻ ആനന്ദ് ശ്രീബാലയിൽ എന്താണുള്ളതെന്ന് റിലീസിന് മുന്നേ ചോദ്യങ്ങളുയർന്നിരുന്നു. ഇത്തരം ചോദ്യങ്ങളെയെല്ലാം ആത്മവിശ്വാസത്തോടെ അണിയറ പ്രവർത്തകർ തള്ളിക്കളയുകയായിരുന്നു. തങ്ങളുടെ ചിത്രത്തിന്മേൽ അവർക്ക് അത്രമേൽ പ്രതീക്ഷയുണ്ടായിരുന്നുവെന്ന് വ്യക്തം. കങ്കുവ എന്ന ചിത്രം ഇനി ആനന്ദ് ശ്രീബാല, മുറ പോലെയുള്ള ചെറിയ ചിത്രങ്ങൾക്ക് ഒരു ഭീഷണി അല്ലെന്നാണ് സിനിമാ ആരാധകരുടെ കണ്ടെത്തൽ.
ത്രില്ലർ ഡ്രാമ ഇൻവസ്റ്റിഗേഷൻ സിനിമയാണ് ആനന്ദ് ശ്രീബാല. കേരളം പോലീസിനെ കുഴപ്പിച്ച ഒരു 'ആത്മഹത്യ കേസ്' ആണ് സിനിമ പറയുന്നത്. ഒരു യഥാർത്ഥ സംഭവത്തെ അടിസ്ഥാനമാക്കി ഒരുക്കുമ്പോൾ അത് നീതികിട്ടാത്ത ഒരു സമൂഹത്തിന് ഉള്ള ട്രിബ്യൂട്ട് കൂടിയാവുകയാണ്. ഇതുവരെ കണ്ട് പരിചയിച്ച ന്യൂജെൻ പയ്യനായിട്ടല്ല അർജുൻ അശോകൻ. തനിക്ക് കിട്ടിയ കഥാപാത്രത്തെ അതിമനോഹരമായി അവതരിപ്പിച്ച് പ്രേക്ഷകരുടെ നെഞ്ചിലേക്ക് തുളച്ചുകയറാണ് അർജുന് കഴിയുന്നുണ്ട്. മുഖ്യ സ്ത്രീ കഥാപാത്രങ്ങളായി എത്തിയ അപർണ്ണ ദാസും, സംഗീത മാധവൻ നായരും, മാളവിക മനോജും മികച്ച പ്രകടനം കാഴ്ച വച്ചു. വളരെ വ്യത്യസ്തമായ ഒരു കഥാപാത്രത്തെ അവതരിപ്പിച്ച സൈജു കുറുപ്പ് താൻ ഒരു അസാദ്ധ്യനടനാണെന്ന് വീണ്ടും തെളിയിച്ചു.
ഒരു ഇൻവസ്റ്റിഗേഷൻ ത്രില്ലർ ഡ്രാമയാണ് ആനന്ദ് ശ്രീബാല. ഏച്ചുകെട്ടലില്ലാതെ അഭിലാഷ് പിള്ളയുടെ തിരക്കഥ പ്രേക്ഷകനെ കഥാപാത്രങ്ങളോട് ഇമോഷണലി കണക്ട് ചെയ്യുന്നതിൽ വിജയിച്ചുവെന്ന് തന്നെ പറയാം. വിഷ്ണു നാരായണന്റെ ഛായാഗ്രഹണവും നവാഗതന്റെ പതർച്ചയില്ലാത്ത സംവിധാന മികവും ചിത്രം കാഴ്ച്ചക്കാരുടെ ഉള്ളു നിറയ്ക്കുവാൻ വഴിയൊരുക്കുന്നു എന്നു പറയാം. നീതി കിട്ടാത്തവർക്ക് നീതികിട്ടുവാൻ കാലം ഒരാളെ കരുതിവെയ്ക്കും അതാണ് ആനന്ദ് ശ്രീബാല. വരും ദിവസങ്ങളിൽ ചിത്രത്തിന് കൂടുതൽ തിയേറ്ററുകളും ഷോകളും ലഭിക്കുമെന്ന് ഉറപ്പ്.
