കെ ആര്‍ അനൂപ്|
Last Modified ചൊവ്വ, 18 ജൂണ്‍ 2024 (10:43 IST)
അതെ അത് ആണ്‍കുട്ടിയായിരുന്നു.നടി അമല പോളിന് ആണ്‍കുഞ്ഞ് പിറന്നു. താരത്തിന്റെ ഭര്‍ത്താവ് ജഗദ് ദേശായിയാണ് കുഞ്ഞ് പിറന്ന വിവരം അറിയിച്ചത്.ജൂണ്‍ 11 നായിരുന്നു കുട്ടി ജനിച്ചത്. എന്നാല്‍ വിവരം അറിയിച്ചത് ഇന്നലെയായിരുന്നു.ഇളയ് എന്നാണ് കുഞ്ഞിന്റെ പേര്.
'ഇറ്റ്‌സ് എ ബോയ്, മീറ്റ് അവര്‍ ലിറ്റില്‍ മിറാക്കിള്‍, ഇളയ്'' -എന്ന് എഴുതി കൊണ്ടാണ് കുഞ്ഞ് ജനിച്ച വിവരം ജഗദ് അറിയിച്ചത്.അമല പോളിന്റെ വിഡിയോ പങ്കുവെച്ചിട്ടുണ്ട്.
കുഞ്ഞിന് നിറയെ സര്‍പ്രൈസുകള്‍ വീട്ടില്‍ ഒരുക്കിയിരുന്നു. അലങ്കാര പണികളെല്ലാം കണ്ടതോടെ അമല പോളും ആകെ ഞെട്ടിപ്പോയി. നിരവധി പേരാണ് താരത്തിനും കുടുംബത്തിനും ആശംസകളുമായി എത്തിയിരിക്കുന്നത്.കഴിഞ്ഞ വര്‍ഷം നവംബറിലായിരുന്നു അമലയും ജഗതും തമ്മിലുള്ള വിവാഹം. കൊച്ചിയില്‍ നടന്ന വിവാഹ ചടങ്ങില്‍ അടുത്ത ബന്ധുക്കള്‍ മാത്രമാണ് പങ്കെടുത്തത്.
അമ്മയാകാന്‍ പോകുന്ന വിവരം ജനുവരി നാലിനായിരുന്നു നടി അറിയിച്ചത്.
