കെ ആര്‍ അനൂപ്|
Last Updated:
തിങ്കള്‍, 18 മാര്‍ച്ച് 2024 (15:40 IST)
പ്രേമലു വിജയകരമായി കേരളത്തിന് പുറത്തും പ്രദര്‍ശനം തുടരുകയാണ്. തമിഴ്, തെലുങ്ക് പതിപ്പുകള്‍ക്ക് മികച്ച സ്വീകാര്യത ലഭിച്ചു. സിനിമയില്‍ മമിത ബൈജുവിന്റെ കൂടെ സുഹൃത്തായി അഭിനയിച്ച നടിയാണ് അഖില ഭാര്‍ഗവന്‍. സോഷ്യല്‍ മീഡിയയുടെ ലോകത്തില്‍ നിന്ന് സിനിമയില്‍ എത്തിയ താരം പ്രേമലു എന്ന ഒറ്റ സിനിമയിലൂടെ തന്റെ വരവ് അറിയിച്ചു.
ഇപ്പോഴിതാ പ്രേമലു എഫക്ട് എന്ന് എഴുതിക്കൊണ്ട് പുതിയ ഡാന്‍സ് വീഡിയോ പങ്കുവെച്ചിരിക്കുകയാണ് നടി.
ഫെബ്രുവരി 28ന് അഖില തന്റെ വിവാഹ വാര്‍ഷികം ആഘോഷിച്ചിരുന്നു.
രാഹുല്‍ ആണ് ഭര്‍ത്താവ്.ഫേസ്ബുക്ക് വഴിയാണ് ഇരുവരും തമ്മില്‍ പരിചയപ്പെട്ടത്.
അഖിലയുടെ ഒരു സുഹൃത്തിന്റെ വീടിന്റെ അടുത്താണ് രാഹുലിന്റെ വീട്. അവിടെ വച്ചാണ് ഇരുവരും ആദ്യമായി കാണുന്നത്. ആ പരിചയം പിന്നീട് പ്രണയമായി മാറിയത്. പിന്നീട് അത് വിവാഹത്തില്‍ എത്തുകയും ചെയ്തു.
അയല്‍വാശി, പൂവന്‍ എന്നീ സിനിമകളിലും നടി അഭിനയിച്ചിട്ടുണ്ട്.ധാരാളം ഡാന്‍സ് റീല്‍ വീഡിയോകള്‍ ഇരുവരും പങ്കുവയ്ക്കാറുണ്ട്.
15 വര്‍ഷം അഖില ഭരതനാട്യം പഠിച്ചുട്ടുണ്ട്.
