കെ ആര്‍ അനൂപ്|
Last Modified വ്യാഴം, 14 മാര്‍ച്ച് 2024 (15:22 IST)
കുട്ടിക്കാല ചിത്രങ്ങള്‍ സാമൂഹ്യ മാധ്യമങ്ങളിലൂടെ താരങ്ങള്‍ ഇടയ്ക്കിടെ പങ്കിടാറുണ്ട്. തന്നെ കണ്ടുപിടിക്കാമോ എന്ന് ചോദിച്ചുകൊണ്ട് സ്‌കൂള്‍ക്കാല ഗ്രൂപ്പ് ഫോട്ടോ പങ്കുവെച്ചിരിക്കുകയാണ് ഹണി റോസ്. ആരാധകര്‍ അടക്കം നിരവധി താരങ്ങളും ഫോട്ടോയ്ക്ക് താഴെ കമന്റുകളുമായി എത്തി. ഗ്രൂപ്പ് ഫോട്ടോയിലുള്ള കുട്ടി ഹണി റോസിനെ കണ്ടെത്തിയിരിക്കുകയാണ് നടി പ്രാചി തെഹ്ലാന്‍.
മഞ്ഞ സാരി ഉടുത്ത ടീച്ചറുടെ വലതുവശത്ത് നില്‍ക്കുന്ന ആദ്യത്തെ പെണ്‍കുട്ടി എന്ന് പറഞ്ഞ പ്രാചി തെഹ്ലാന്‍ കുറച്ചുകൂടി വ്യക്തത വരുത്തുന്നുണ്ട്.മുകളില്‍ നിന്ന് മൂന്നാം നിരയില്‍. നീളം കുറഞ്ഞ മുടിയുള്ള കുട്ടി എന്നാണ് പ്രാചി പറഞ്ഞത്. അതെ എന്ന മറുപടിയാണ് ഹണി റോസ് സുഹൃത്തായ പ്രാചിക്ക് നല്‍കിയത്.
ഹണിയുടെ കാലഘട്ടത്തില്‍ പഠിച്ച ആളുകള്‍ ടീച്ചറുടെ പേരും കണ്ടെത്തിയിട്ടുണ്ട്. മഞ്ഞ സാരി അണിഞ്ഞ ടീച്ചറുടെ പേര് മധു എന്നാണെന്നാണ് അവര്‍ പറയുന്നത്. ഹണി റോസ് പഠിച്ചത് മൂലമറ്റം സ്‌കൂളില്‍ ആണെന്നും കമന്റുകള്‍ വന്നിട്ടുണ്ട്.
