മമ്മൂട്ടി പച്ചക്കൊടി വീശി, ന്യൂസ് ബ്രേക്കര് ഉടന്‍ തുടങ്ങും!
WEBDUNIA|
Last Updated:
ബുധന്‍, 23 ഏപ്രില്‍ 2014 (13:08 IST)
PRO
മമ്മൂട്ടി വളരെ ശ്രദ്ധയോടെ ചുവടുവയ്ക്കുകയാണ്. എട്ട് സിനിമകള്‍ തുടര്‍ച്ചയായി ബോക്സോഫീസില്‍ തകര്‍ന്നതോടെ ഇനി ഒരു ഹിറ്റില്ലാതെ പിടിച്ചുനില്‍ക്കാനാവാത്ത അവസ്ഥയാണ് മെഗാസ്റ്റാറിനുള്ളത്. മുമ്പ് തീരുമാനിച്ചിരുന്ന പല ചിത്രങ്ങളും വേണ്ടെന്നു വയ്ക്കുകയോ മാറ്റിവയ്ക്കുകയോ ചെയ്തിരുന്നു താരം.
അനൂപ് കണ്ണന്‍ സംവിധാനം ചെയ്യുന്ന ‘ജവാന് ഓഫ് വെള്ളിമല’യിലാണ് മമ്മൂട്ടി ഇപ്പോള്‍ അഭിനയിച്ചു വരുന്നത്. അതിനുശേഷം രഞ്ജിത്, ലാല് ജോസ്, അമല്‍ നീരദ് അങ്ങനെ പ്രഗത്ഭര്‍ക്കാണ് മമ്മൂട്ടി ഡേറ്റ് നല്‍കിയിരിക്കുന്നത്. ജവാന് ഓഫ് വെള്ളിമല നിര്‍മ്മിക്കുന്നത് മമ്മൂട്ടിയുടെ പേഴ്സണല്‍ സഹായി ജോര്‍ജാണ്. സിന്‍‌സില്‍ സെല്ലുലോയ്ഡിന്‍റെ ബാനറില്‍ ജോര്‍ജ്ജ് നിര്‍മ്മിക്കുന്ന ആദ്യ ചിത്രമാണ് ജവാന് ഓഫ് വെള്ളിമല.
എന്നാല്‍ ജോര്‍ജ് നിര്‍മ്മിക്കാനായി ആദ്യം തീരുമാനിച്ചിരുന്ന ചിത്രം ഇതല്ല. ദീപന് സംവിധാനം ചെയ്യുന്ന ‘ന്യൂസ് ബ്രേക്കര്’ ആണ്. തിരക്കഥ കുറച്ചുകൂടി നന്നാക്കിയതിന് ശേഷം മാത്രം മതി ഈ ചിത്രം ചെയ്യുന്നത് എന്നുപറഞ്ഞ് മമ്മൂട്ടി തന്നെയാണ് ന്യൂസ് ബ്രേക്കര് മാറ്റിവച്ചത്. എന്തായാലും പുതിയ വാര്‍ത്ത, മമ്മൂട്ടി ‘ന്യൂസ് ബ്രേക്കര്’ തുടങ്ങാന്‍ ദീപന് പച്ചക്കൊടി കാട്ടിയിരിക്കുകയാണ്.
സിനിമയുടെ പ്രാഥമിക ജോലികള്‍ ആരംഭിച്ചുകഴിഞ്ഞു. മലയാളത്തിലും കന്നഡത്തിലുമായാണ് ന്യൂസ് ബ്രേക്കര് ചിത്രീകരിക്കുന്നത്. കന്നഡയിലെ പ്രശസ്തതാരം നികേഷ പട്ടേല്‍ ആണ് ചിത്രത്തില്‍ മമ്മൂട്ടിയുടെ നായികയാകുന്നത്.
ദീപന് സംവിധാനം ചെയ്ത കഴിഞ്ഞ ചിത്രം ‘ഹീറോ’ കനത്ത പരാജയമാണ് ഏറ്റുവാങ്ങിയത്. അതുകൊണ്ടുതന്നെ ദീപന്‍റെ കരിയറിലും നിര്‍ണായകമാണ് ന്യൂസ് ബ്രേക്കര് എന്ന ചിത്രം.
