Last Updated:
ചൊവ്വ, 6 മെയ് 2014 (14:53 IST)
ആദ്യദിവസം തന്നെ തിരിച്ചടി കിട്ടി മമ്മൂട്ടിയുടെ ബിഗ് ബജറ്റ് ചിത്രം ഗ്യാംഗ്സ്റ്ററിന്. വളരെ മോശം ചിത്രം എന്ന മൌത്ത് പബ്ലിസ്റ്റിയും സോഷ്യല്‍ നെറ്റുവര്‍ക്കിംഗ് സൈറ്റുകളിലെ ആക്രമണവും കുടുംബങ്ങള്‍ തിയേറ്ററുകളില്‍ നിന്ന് ഒഴിഞ്ഞുനിന്നതും ചിത്രത്തെ പരാജയമാക്കി മാറ്റി.
ഫാമിലി ഓഡിയന്‍സിനെ ആകര്‍ഷിച്ചില്ല എന്നതുതന്നെ മുഖ്യ പരാജയകാരണം. മാത്രമല്ല, ക്ലൈമാക്സ് ഉള്‍പ്പടെയുള്ള കീ പൊസിഷനുകളില്‍ കടന്നുവന്ന അനിമേഷന്‍ രംഗങ്ങള്‍ മമ്മൂട്ടി ആരാധകരെ പോലും തൃപ്തരാക്കിയില്ല. ആഷിക് അബു നടത്തിയ പരീക്ഷണങ്ങളെല്ലാം സിനിമയ്ക്ക് ദോഷമായി ഭവിച്ചപ്പോള്‍ തുടര്‍ച്ചയായി പരാജയം ഏറ്റുവാങ്ങുന്ന മമ്മൂട്ടിക്ക് കനത്ത തിരിച്ചടിയായി ഗ്യാംഗ്സ്റ്റര്‍ മാറി.
