അനുബന്ധ വാര്ത്തകള്
- സംസ്ഥാനത്ത് അടുത്ത മൂന്ന് ദിവസവും മഴയ്ക്ക് സാധ്യത
- ചുരുങ്ങിയ ചെലവില് വിനോദസഞ്ചാരം: കെഎസ്ആര്ടിസിയുടെ ബജറ്റ് ടൂറിന്റെ നാലുമാസത്തെ വരുമാനം 1.96 കോടിരൂപ
- വാളയാറില് നിര്ത്തിയിട്ട ലോറിയില് കാറിടിച്ച് അപകടം; രണ്ടുപേര് മരിച്ചു
- തീയേറ്ററുകള് അടയ്ക്കാനുള്ള സര്ക്കാര് തീരുമാനത്തില് പ്രതിഷേധം കടുപ്പിക്കാന് ഫെഫ്ക
- സംസ്ഥാനത്ത് ഇതുവരെ സമ്പൂര്ണ വാക്സിന് സ്വീകരിച്ചത് 83 ശതമാനം പേര്; കുട്ടികളുടെ വാക്സിനേഷന് 66ശതമാനം
ഇത്തവണ കോവിഡ് പ്രോട്ടോക്കോള് പാലിച്ചു കൊണ്ട് തൃശൂര് പൂരം മികച്ച നിലയില് ആഘോഷിക്കാന് തീരുമാനമായി
കോവിഡ് പ്രോട്ടോക്കോള് പാലിച്ചു കൊണ്ട് തൃശൂര് പൂരം മികച്ച നിലയില് ആഘോഷിക്കാന് ഉന്നതതല യോഗം തീരുമാനിച്ചു. ദേവസ്വം മന്ത്രി കെ രാധാകൃഷ്ണന്റെ അധ്യക്ഷതയില് ചേര്ന്ന യോഗത്തില് റവന്യൂ മന്ത്രി കെ രാജന്, പി ബാലചന്ദ്രന് എംഎല്എ, തൃശൂര് മേയര് എം കെ വര്ഗീസ്, റവന്യൂ അഡീഷണല് ചീഫ് സെക്രട്ടറി ഡോ. എ ജയതിലക്, ദേവസ്വം പ്രിന്സിപ്പല് സെകട്ടറി കെ ആര് ജ്യോതിലാല്, തൃശൂര് ഡിഐജി എ അക്ബര്, കലക്ടര് ഹരിത വി കുമാര് തുടങ്ങിയവര് പങ്കെടുത്തു.
കോവിഡ് പ്രതിസന്ധിയെ തുടര്ന്ന് കഴിഞ്ഞ രണ്ടു വര്ഷങ്ങളില് പൂരം എല്ലാ വിധ ആചാരാനുഷ്ഠാനങ്ങളോടെയും നടത്താന് കഴിഞ്ഞിരുന്നില്ല. വിവിധ വകുപ്പുകള് പൂരത്തിന്റെ ഭാഗമായി പൂര്ത്തിയാക്കേണ്ട കാര്യങ്ങളും അനുമതിയും സമയബന്ധിതമായി നേടി കലക്ടര്ക്ക് റിപ്പോര്ട്ട് ചെയ്യണം. തുടര്ന്ന് ഏപ്രില് പകുതിയോടെ മന്ത്രിതല യോഗം ചേര്ന്ന് അന്തിമ തീരുമാനം എടുക്കും.
പാറമേക്കാവ്, തിരുവമ്പാടി ദേവസ്വം പ്രതിനിധികള്, കൊച്ചിന് ദേവസ്വം ബോര്ഡ് കമീഷണര്, പൊലീസ്, ഫയര്ഫോഴ്സ്, റവന്യൂ ഉദ്യാഗസ്ഥര് തുടങ്ങിയവരും യോഗത്തില് പങ്കെടുത്തു.
അടുത്ത ലേഖനം
