അടുക്കളയിലെ സാമ്പത്തിക കേന്ദ്രത്തില്‍ ഒരു പാത്രത്തില്‍ മുന്തിരിയോ ഓറഞ്ചോ വയ്ക്കാവുന്നതാണ്. ഇവ യഥാര്‍ത്ഥ പഴങ്ങളോ കൃത്രിമമോ ആവാം. എന്നാല്‍, പച്ച അല്ലെങ്കില്‍ പര്‍പ്പിള്‍ നിറത്തിലുള്ളവയാവാന്‍ ശ്രദ്ധിക്കണം. പച്ച വളര്‍ച്ചയെയും പര്‍പ്പിള്‍ സമ്പത്തിനെയും പ്രതിനിധാനം ചെയ്യുന്നു.
സാമ്പത്തിക ശക്തി കേന്ദ്രങ്ങളില്‍ പൊട്ടിയതോ ഉപയോഗശൂന്യമായതോ ആയാ വസ്തുക്കള്‍ സൂക്ഷിക്കരുത്. ഈ സ്ഥലങ്ങള്‍ എപ്പോഴും വൃത്തിയുള്ളതും ആയിരിക്കണം.
പണം കൈകാര്യം ചെയ്യുമ്പോള്‍
പണം കൈകാര്യം ചെയ്യുമ്പോഴും ശ്രദ്ധ നല്‍കണം. രൂപ ഒരിക്കലും ചുരുട്ടിക്കൂട്ടിയ നിലയില്‍ സൂക്ഷിക്കരുത്. പഴ്സിലും പോക്കറ്റിലും രൂപ ഭംഗിയായി മടക്കി വേണം വയ്ക്കാന്‍. പഴ്സ് എപ്പോഴും ആകര്‍ഷകമായിരിക്കണം.
ചെക്ക് ബുക്ക് സൂക്ഷിക്കാനും സാമ്പത്തിക ശക്തി കേന്ദ്രങ്ങളാണ് നല്ലത്. ചെക്ക് ബുക്കിനും പര്‍പ്പിള്‍, പച്ച തുടങ്ങിയ നിറങ്ങളുള്ള കവര്‍ ഉപയോഗിക്കുന്നത് സാമ്പത്തിക സ്രോതസ്സിനെ പോഷിപ്പിക്കും.
PRATHAPA CHANDRAN|
ദൈനംദിന കണക്കുകള്‍ കൃത്യമായി അറിയുക. ധനം സമ്പാദിക്കുന്നതിന് ഒപ്പം കഴിവനുസരിച്ച് ഒരു വിഹിതം അര്‍ഹതയുള്ളവര്‍ക്ക് നല്‍‌കുന്നതും ധനാഗമനം വര്‍ദ്ധിപ്പിക്കുമെന്നാണ് ഫെംഗ്ഷൂയി പറയുന്നത്.
