എന്നാല്‍ വികസ്വര രാജ്യങ്ങളില്‍ വിലവര്‍ദ്ധന ആഹാര ശീലത്തില്‍ പ്രത്യക്ഷ മാറ്റമൊന്നും വരുത്തിയിട്ടില്ല. സ്പെയിനില്‍ 17 ശതമാനവും പോളണ്ടില്‍ 19 ശതമാനവും ജര്‍മ്മനിയില്‍ 24 ശതമാനവും മാത്രമാണ് ആഹാര രീതിയില്‍ അല്‍പ്പമെങ്കിലും മാറ്റം വരുത്തിയതെന്ന് സര്വെ സൂചിപ്പിക്കുന്നു.
വിലക്കയറ്റം നിയന്ത്രിക്കാനുള്ള സര്‍ക്കാര്‍ നടപടികളില്‍ സര്‍വെയില്‍ പങ്കെടുത്ത 70 ശതമാനം ആളുകളും അസംതൃപ്തരാണ്. ഇതില്‍ ഈജിപ്തുകാരാണ് അസംതൃപ്തിയുടെ പരകോടിയില്‍, 88ശതമാനം. ഫിലിപ്പീന്‍സ് (86%), ലബനന്‍ (85%) എന്നിങ്ങനെ അസംതൃപ്തിയുടെ നിരക്കുകള്‍ പ്രതിഫലിക്കുമ്പോള്‍ വികസിത രാജ്യങ്ങളും വിലവര്‍ദ്ധന നിയന്ത്രിക്കാന്‍ സര്‍ക്കാര്‍ പരാജയമാണെന്ന സൂചനയാണ് നല്‍കിയത്. സര്‍ക്കാര്‍ നടപടികളെ കുറിച്ച് ഫ്രാന്‍സ് (79%), റഷ്യ (78%), ഇറ്റലി (74%) എന്നീ വികസിത രാജ്യങ്ങളും അസംതൃപ്തി രേഖപ്പെടുത്തി.
ഇന്ധന വില വര്‍ദ്ധനയും ജീവിതത്തെ പ്രാതികൂലമായി ബാധിച്ചു എന്ന് സര്‍വെയില്‍ പങ്കെടുത്തവര്‍ പറയുന്നു. ഫിലിപ്പീന്‍സ്, ഈജിപ്ത്, ഇന്തോനേഷ്യ, കെനിയ, ലബനന്‍ എന്നീ രാജ്യങ്ങളാണ് ഇന്ധന വില വര്‍ദ്ധന ഏറ്റവും കൂടുതല്‍ ബാധിച്ചു എന്ന് പ്രതികരിച്ചത്. വികസിത രാജ്യങ്ങളായ ഫ്രാന്‍സും അമേരിക്കയും ഇന്ധന വില വര്‍ദ്ധന പ്രതികൂലമായി ബാധിച്ചു എന്ന് അംഗീകരിക്കുന്നു.
PRATHAPA CHANDRAN|
2008 ജൂലൈ എട്ടിനും സെപ്തംബര്‍ 15 നും ഇടയില്‍ 26 രാജ്യങ്ങളിലാണ് ബിബിസി സര്വെ നടത്തിയത്.
