ലക്നൗ|
Last Modified ബുധന്‍, 4 സെപ്‌റ്റംബര്‍ 2019 (15:17 IST)
മൂന്നാം ക്ലാസ് വിദ്യാര്‍ഥിനിയെ ആറാം ക്ലാസുകാരനായ സഹപാഠിയും രണ്ട് ഇളയസഹോദരന്മാരും ചേര്‍ന്ന് കൂട്ട ബലാത്സംഗം ചെയ്‌തു. ഉത്തര്‍പ്രദേശിലെ ബാഗ്‌പത്തിലെ രമാലയിലാണ് സംഭവം. കുട്ടികള്‍ക്കെതിരെ നിയമനടപടികള്‍ ആരംഭിച്ചതായി പൊലീസ് പറഞ്ഞു.
എട്ടു വയസുകാരിയായ പെണ്‍കുട്ടിയെ സര്‍ക്കാര്‍ പ്രൈമറി സ്‌കൂളിലെ ശുചിമുറിയില്‍ വെച്ചാണ് വിദ്യാര്‍ഥികള്‍ ലൈംഗികമായി പീഡിപ്പിച്ചത്. വീട്ടിലെത്തിയ കുട്ടിയുടെ പെരുമാറ്റത്തില്‍ സംശയം തോന്നിയ മാതാപിതാക്കള്‍ നടത്തിയ അന്വേഷണത്തിലാണ് പീഡനവിരം വ്യക്തമാകുന്നത്.
പരിശോധനയില്‍ കുട്ടി പീഡനത്തിന് ഇരയായെന്ന് വ്യക്തമായി. മാതാപിതാക്കള്‍ പരാതി നല്‍കിയെങ്കിലും പൊലീസ് കേസെടുത്ത് അന്വേഷണം നടത്താന്‍ തയ്യാറായില്ല. തിങ്കളാഴ്‌ച വൈകുന്നേരത്തോടെ പെണ്‍കുട്ടിയുടെ ആരോഗ്യനില മോശമായതോടെയാണ് വിവരം പുറം ലോകമറിയുന്നത്.
സംഭവം വിവാദമായതോടെ കേസെടുക്കാന്‍ തയ്യാറാകാതിരുന്ന പൊലീസ് ഉദ്യോഗസ്ഥനെ സസ്‌പെന്‍ഡ് ചെയ്‌തു. ആവശ്യമായ നടപടികള്‍ സ്വീകരിക്കുമെന്നും, കുട്ടിയുടെ ആരോഗ്യം വീണ്ടെടുത്ത ശേഷം മൊഴി രേഖപ്പെടുത്തുമെന്ന് ജില്ലാ പൊലീസ് മേധാവി വ്യക്തമാക്കി.
