ഭർത്താവിന്റെ സഹോദരനുമായി അവിഹിതബന്ധം എന്ന് ആരോപിച്ച് യുവതിയുടെ തലമുണ്ഡനം ചെയ്ത് ബന്ധുക്കൾ വനത്തിൽ ഉപേക്ഷിച്ചു. ഒഡീഷയിലെ ബസോറിലാണ് 25കാരിയായ യുവതി ഭർത്താവിന്റെ വീട്ടുകാരുടെ ക്രൂരതക്കിരയായത്. സംഭവത്തിൽ ആറ് പേരെ പൊലീസ് കസ്റ്റഡിയിലെടുത്തു.

ഭർത്താവിന്റെ സാഹോദരനുമായി അവിഹിത ബന്ധം പുലർത്തി എന്ന് പറഞ്ഞ് ആറുപേർ ചേർന്ന് യുവതിയുടെ തല മുണ്ഡനം ചെയ്യുകയായിരുന്നു. പിന്നീട് ഗ്രാമത്തിന് സമീപത്തുള്ള വനത്തിനുള്ളിൽ ഉപേക്ഷിക്കുകയായിരുന്നു. ഇവിടെനിന്നും ഏറെ പണിപ്പെട്ടാണ് യുവതി സ്വന്തം വീട്ടിൽ എത്തിയത്. യുവതിയുടെ അച്ഛൻ പൊലീസിലിൽ പരാതി നൽകിയതോടെയാണ് സംഭവം പുറത്തറിയുന്നത്. ഉടൻ തന്നെ പൊലീസ് പ്രതികളെ കസ്റ്റഡിയിലെടുക്കുകയായിരുന്നു.