അനുബന്ധ വാര്ത്തകള്
- 'മാധ്യമപ്രവർത്തകർ സൌജന്യ ഭക്ഷണം കഴിക്കാൻ വരുന്നവർ’ - പൊട്ടിത്തെറിച്ചും പരിഹസിച്ചും കങ്കണ
- 'ഞങ്ങൾ ഒന്നും ചെയ്തില്ല ആന്റി', യാതോരു ഭാവവ്യത്യാസവുമില്ലാതെ പ്രതികൾ അർജുന്റെ അമ്മയോട് പറഞ്ഞു; ദൃശ്യം മോഡലിൽ വഴി തെറ്റിക്കാനും ശ്രമം
- ദളിത് യുവാവിനെ വിവാഹം ചെയ്തു; പിതാവ് അപായപ്പെടുത്താന് ശ്രമിക്കുന്നുവെന്ന് ബിജെപി എംഎൽഎയുടെ മകൾ
- അശ്ലീല ഭാഷയിൽ സംസാരിച്ചു, നടുറോഡിൽ ഇറക്കിവിട്ടു; പരാതിയുമായി നടി, യൂബർ ഡ്രൈവർ അറസ്റ്റിൽ
- കഴിഞ്ഞ വർഷം കേരളത്തിൽ മാത്രം റോഡപകടങ്ങളിൽ മരിച്ചത് 4200 പേർ, അപകടം പെട്ടെന്നുള്ള ഒരു ട്വിസ്റ്റ് ആണ്; വൈറൽ കുറിപ്പ്
ജാതിയല്ല പ്രശ്നം, അവന്റെ പ്രായവും സാമ്പത്തികവുമാണ്: മകളും മരുമകനും വീട്ടിലേക്ക് വരണമെന്നാണ് ആഗ്രഹമെന്ന് ബിജെപി എംഎല്എ
ദളിത് യുവാവിനെ വിവാഹം കഴിച്ചതിന് ഭീഷണിപ്പെടുത്തിയെന്ന മകളുടെ പരാതിയില് മറുപടിയുമായി ബിജെപി എംഎല്എ രാജേഷ് മിശ്ര. വരന്റെ ജാതിയയല്ല പ്രശ്നമെന്നും പ്രായവും വരുമാനവുമാണ് തനിക്ക് പ്രശ്നമായത്. അത് ഒരു പിതാവെന്ന നിലയില് ആശങ്കയുണ്ടാക്കുന്നതാണന്നും രാജേഷ് മിശ്ര പറഞ്ഞു.
വിവാഹം കഴിച്ച യുവാവിന് മകളേക്കാള് ഒമ്പതു വയസ് കൂടുതലാണെന്നതാണ് എന്റെ ആശങ്ക. വരുമാനം തീരെ കുറവാണ്. അവര് വീട്ടിലേക്ക് വരണമെന്നാണ് ആഗ്രഹം. മകളെ ദ്രോഹിക്കുന്ന കാര്യം ചിന്തിച്ചിട്ടു പോലുമില്ല. - എം എൽ എ പറഞ്ഞു.
രാജേഷിന്റെ മകൾ സാക്ഷി മിശ്രയാണ് പിതാവിനും സഹോദരനുമെതിരെ പരാതിയുമായി രംഗത്ത് വന്നത്. സോഷ്യൽ മീഡിയകളിൽ പുറത്തുവിട്ട വീഡിയോയിലൂടെയായിരുന്നു ആരോപണം. സംഭവം വൈറലായതോടെയാണ് രാജേഷ് മറുപടിയുമായി രംഗത്തെത്തിയത്.
ദളിത് വിഭാഗത്തില്പ്പെട്ട അജിതേഷ് കുമാറിനെ കഴിഞ്ഞ വ്യാഴാഴ്ച സാക്ഷി വിവാഹം ചെയ്തു. ഇതിനു പിന്നാലെയാണ് ബറേലിയിലെ എംഎൽഎ കൂടിയായ രാജേഷ് മിശ്ര ഇവരെ അപായപ്പെടുത്താന് ശ്രമം ആരംഭിച്ചത്. തനിക്കും ഭര്ത്താവിനും അദ്ദേഹത്തിന്റെ കുടുംബത്തിനും എന്തെങ്കിലും സംഭവിച്ചാല് പിതാവും സഹോദരനുമായിരിക്കും ഉത്തരവാദികളെന്നും സാക്ഷി വീഡിയോയിലൂടെ വ്യക്തമാക്കി.
വിഡിയോയിൽ പിതാവിനെ പാപ്പുവെന്നും സഹോദരനെ വിക്കിയെന്നുമാണ് സാക്ഷി വിശേഷിപ്പിക്കുന്നത്. തങ്ങളെ അപകടപ്പെടുത്താന് രാജീവ് റാണ എന്ന ഗുണ്ടയെ ആണ് പിതാവ് നിയോഗിച്ചിരിക്കുന്നത്. സുരക്ഷിതയും സന്തോഷവതിയും ആയിരിക്കാനാണ് ഞാൻ ആഗ്രഹിക്കുന്നത്. ഒളിച്ചിരുന്നത് ഞാനും ഭർത്താവ് അജിതേഷ് കുമാറും മടുത്തു. അവനെയും ബന്ധുക്കളെയും ബുദ്ധിമുട്ടിക്കുന്നത് അവസാനിപ്പിക്കണമെന്നും വീഡിയോയിലൂടെ സാക്ഷി പറഞ്ഞു.
