സോനിപ്പത്ത്: ഫാമിലി വാട്സ് ആപ്പ് ഗ്രൂപ്പിൽ ചിത്രങ്ങൾ ഇട്ടതിന്റെ പേരിൽ യുവാവിനെ കൊലപ്പെടുത്തി. ലവ് എന്ന ഇരുപത് കാരനാണ് കൊല്ലപ്പെട്ടത്. ഹരിയാനയിലെ സോനാപത്തിലാണ് സംഭവം. ലവിന്റെ സഹോദരൻ അജെയുടെ ചിത്രങ്ങൾ വാട്സ് ആപ്പ് ഗ്രൂപ്പിൽ പങ്കുവച്ചതിന്റെ പേരിൽ ഉണ്ടായ തർക്കം കൊലപാതകത്തിൽ കലാശിക്കുകയായിരുന്നു.

സംഭവ ദിവസം അത്താഴത്തിന് ശേഷമെടുത്ത ചില ചിത്രങ്ങൾ അറിയാതെ വാട്സ് അപ്പിൽ പങ്കുവെക്കപ്പെട്ടതാണെന്ന് അജെയ് വാർത്ത ഏജൻസിയായ എ എൻ ഐയോട് പറഞ്ഞു. ചിത്രങ്ങൾ കണ്ടതോടെ കോളനിവാസിയും ഗ്രൂപ് അംഗവുമായ ദിനേ#ഷ ഇരുവരേയു വീട്ടിലെക്കു വിളിപ്പിക്കുകയായിരുന്നു.

പിന്നീടുണ്ടായ വാക്കു തർക്കം അക്രമത്തിലേക്ക് വഴിമാറി. ലവിനെയും സഹോദരൻ അജെയ്‌യേയും ഇരുമ്പ് വടി കോണ്ടും ഇഷ്ടിക കൊണ്ടും മർദ്ദിക്കുകയായിരുന്നു. സംഭവ സ്ഥലത്ത് വച്ച് തന്നെ ലവ് മരണപ്പെട്ടു. അജെയ് ആശുപത്രിയിൽ ചികിത്സയിലാണ്.