മഹാരാഷ്ട്രയിലെ അമ്പാട് ലഹരിക്ക് അടിമയായ മകനെ അച്ഛനും കുടുംബാംഗങ്ങളും ചേർന്ന് കൊലപ്പെടുത്തി. ഇവർ തന്നെ 35 വയസ്സുകാരനായ യുവാവിന്റെ മൃതദേഹം കത്തിക്കുകയും ചെയ്തു. മരിച്ചയാളുടെ അച്ഛൻ, സഹോദരൻ, മകൻ എന്നിവരാണ് കൊലപാതകത്തിന് പിന്നിൽ. പ്രതികളെ പോലീസ് അറസ്റ്റ് ചെയ്തു. പ്രാഥമിക അന്വേഷണത്തിൽ തന്നെ ഇവരാണ് കൃത്യം നടത്തിയതെന്ന് പോലീസിന് മനസ്സിലായി.

മദ്യത്തിനും കഞ്ചാവിനും അടിമയായ യുവാവിന്റെ ശല്യം സഹിക്കവയ്യാതെയാണ് കുടുംബക്കാർ യുവാവിനെ കൊന്നത് എന്നാണ് ലഭിക്കുന്ന വിവരം. ഇയാൾ വീട്ടുകാരോട് വഴക്കിന് എത്തുകയും പ്രശ്‌നം കയ്യാങ്കളിയിലേക്ക് കടക്കുകയും ചെയ്തു. യുവാവിന്റെ ശരീരം ഒട്ടാകെ പരിക്കേൽക്കുകയും ഇതാണ് മരണകാരണമായതെന്നാണ് വിവരം. പോലീസ് അറിഞ്ഞാൽ പ്രശ്‌നമാകുമെന്ന് ഭയത്തിലാണ് ഇവർ മൃതദേഹം കത്തിച്ചത്. കൊലപാതകത്തിനും തെളിവ് നശിപ്പിക്കലിനും ഉൾപ്പെടെ പ്രതികൾക്കെതിരെ കേസെടുത്തു.