സച്ചിന്‍ ടെന്‍ഡുല്‍ക്കറോളം മികച്ച താരമാകാന്‍ തനിക്ക് ഒരിക്കലും സാധിക്കില്ലെന്ന് ഇന്ത്യന്‍ സൂപ്പര്‍ താരം വിരാട് കോലി. ദക്ഷിണാഫ്രിക്കയ്‌ക്കെതിരായ മത്സരശേഷമായിരുന്നു കോലിയുടെ പ്രകടനം. സച്ചിന്റെ റെക്കോര്‍ഡിനൊപ്പമെത്താാന്‍ സാധിച്ചതില്‍ സന്തോഷമുണ്ടെന്നും എന്നാല്‍ ഒരിക്കലും സച്ചിനോളം മികച്ച താരമാകാന്‍ തനിക്ക് സാധിക്കില്ലെന്നും കോലി പറഞ്ഞു.

ഈ ലോകകപ്പിലെ ഏറ്റവും കരുത്തരായ ടീമുകളിലൊന്നാണ് ദക്ഷിണാഫ്രിക്ക. എന്റെ പിറന്നാള്‍ ദിനത്തില്‍ ഇത്രയും നിര്‍ണായകമായ മത്സരത്തില്‍ കളിക്കാന്‍ സാധിച്ചതില്‍ സന്തോഷമുണ്ട്. ആദ്യ ഓവറുകള്‍ക്ക് ശേഷം പിച്ച് പെട്ടെന്ന് തന്നെ വേഗം കുറഞ്ഞു. അവസാന ഓവര്‍ വരെ കളിക്കുക എന്നതായിരുന്നു എനിക്ക് ഡ്രസിങ്ങ് റൂമില്‍ നിന്നും ലഭിച്ച നിര്‍ദേശം. 300 ലക്ഷ്യമിട്ടാണ് കളിച്ചത്. അത് നേടാനായതില്‍ സന്തോഷമുണ്ട്. കോലി പറഞ്ഞു.