അനുബന്ധ വാര്ത്തകള്
- Indian Squad for T20 Series against Afghanistan: അഫ്ഗാനിസ്ഥാനെതിരായ ട്വന്റി 20 പരമ്പരയ്ക്കുള്ള ഇന്ത്യന് ടീമിനെ പ്രഖ്യാപിച്ചു; രോഹിത് നായകന്, സഞ്ജു ടീമില്
- മഴ തീര്ന്നാല് കുട എല്ലാവര്ക്കും ഒരു ബാധ്യത, പൊള്ളാര്ഡിന്റെ പോസ്റ്റ് മുംബൈ ടീമിനെ ഉദ്ദേശിച്ചോ? വിവാദങ്ങള് ഒഴിയുന്നില്ല
- കോലിയും രോഹിത്തും അസാധ്യ ഫീൽഡർമാർ, ടി20 ലോകകപ്പിൽ എന്തായാലും കളിക്കണമെന്ന് ഗവാസ്കർ
- Rohit Sharma and Virat Kohli: ട്വന്റി 20 ലോകകപ്പിലും രോഹിത് ശര്മ തന്നെ ഇന്ത്യയെ നയിക്കും; കോലിയും കളിക്കാന് സാധ്യത
- ആദ്യ പന്ത് തന്നെ അപ്രതീക്ഷിത ബൗൺസ് പ്രശ്നമല്ല, പന്ത് ടേൺ ചെയ്താൽ മാത്രമാണ് ഐസിസിക്ക് പ്രശ്നം: വിമർശനവുമായി രോഹിത് ശർമ
Rohit Sharma and Virat Kohli: ട്വന്റി 20 ലോകകപ്പ് കളിക്കാന് രോഹിത്തും കോലിയും, രാഹുലിന്റെ കാര്യം സംശയത്തില്
രോഹിത് ശര്മ തന്നെയായിരിക്കും ടി20 ലോകകപ്പിലും ഇന്ത്യയെ നയിക്കുക
Virat Kohli and Rohit Sharma
Rohit Sharma and Virat Kohli: ഈ വര്ഷം ജൂണില് നടക്കാനിരിക്കുന്ന ട്വന്റി 20 ലോകകപ്പില് രോഹിത് ശര്മയും വിരാട് കോലിയും കളിക്കുമെന്ന് ഉറപ്പായി. ഇതിന്റെ ഭാഗമായാണ് ഇരുവരെയും അഫ്ഗാനിസ്ഥാനെതിരായ ട്വന്റി 20 പരമ്പരയ്ക്കുള്ള ടീമില് ഉള്പ്പെടുത്തിയത്. തങ്ങള്ക്ക് ട്വന്റി 20 ലോകകപ്പ് കളിക്കാന് ആഗ്രഹമുണ്ടെന്ന് രോഹിത്തും കോലിയും മാനേജ്മെന്റിനെ അറിയിച്ചിരുന്നു. ഇരുവരുടെയും താല്പര്യ പ്രകാരമാണ് അഫ്ഗാനിസ്ഥാനെതിരായ ടി20 പരമ്പരയിലും ഉള്പ്പെടുത്തിയത്. ലോകകപ്പിനു മുന്പ് ഇന്ത്യ കളിക്കുന്ന അവസാന ടി20 പരമ്പരയാണ് ഇത്.
രോഹിത് ശര്മ തന്നെയായിരിക്കും ടി20 ലോകകപ്പിലും ഇന്ത്യയെ നയിക്കുക. ഹാര്ദിക് പാണ്ഡ്യ, സൂര്യകുമാര് യാദവ് എന്നിവര് പരുക്കില് നിന്ന് പൂര്ണ മുക്തരായാല് ലോകകപ്പ് ടീമില് തിരിച്ചെത്തും. ജസ്പ്രീത് ബുംറ, മുഹമ്മദ് ഷമി, മുഹമ്മദ് സിറാജ് ത്രയവും ലോകകപ്പ് ടീമില് ഇടം പിടിക്കും. മുതിര്ന്ന താരങ്ങളില് കെ.എല്.രാഹുലിന്റെ കാര്യത്തില് മാത്രമാണ് സംശയം. കഴിഞ്ഞ ടി20 ലോകകപ്പില് രോഹിത്തിനൊപ്പം ഓപ്പണറായി ഇറങ്ങിയ രാഹുല് ഇത്തവണ ലോകകപ്പ് കളിച്ചാല് തന്നെ മധ്യനിരയില് ഇറങ്ങേണ്ടി വരും. അതേസമയം ജിതേഷ് ശര്മ, സഞ്ജു സാംസണ് എന്നിവരെയാണ് പ്രധാന വിക്കറ്റ് കീപ്പര്മാരായി ലോകകപ്പില് പരിഗണിക്കുക. ഇത് കെ.എല്.രാഹുലിന്റെ അവസരം ഇല്ലാതാക്കാനാണ് സാധ്യത.
അഫ്ഗാനിസ്ഥാനെതിരായ ടി20 പരമ്പരയ്ക്കുള്ള ടീം: രോഹിത് ശര്മ, ശുഭ്മാന് ഗില്, യഷസ്വി ജയ്സ്വാള്, വിരാട് കോലി, തിലക് വര്മ, റിങ്കു സിങ്, ജിതേഷ് ശര്മ, സഞ്ജു സാംസണ്, ശിവം ദുബെ, വാഷിങ്ടണ് സുന്ദര്, അക്ഷര് പട്ടേല്, രവി ബിഷ്ണോയ്, കുല്ദീപ് യാദവ്, അര്ഷ്ദീപ് സിങ്, ആവേശ് ഖാന്, മുകേഷ് കുമാര്
ജനുവരി 11 മുതല് ആരംഭിക്കുന്ന ടി 20 പരമ്പര ജനുവരി 17 ന് ആരംഭിക്കും. മൂന്ന് മത്സരങ്ങളാണ് ട്വന്റി 20 പരമ്പരയില് ഉള്ളത്.
