ചരിത്രത്തിലാദ്യമായി ഇന്ത്യക്കെതിരെ ഏകദിന പരമ്പര സ്വന്തമാക്കിയ ബംഗ്ലാദേശ് ക്രിക്കറ്റിന് പുതിയൊരു സന്തോഷവാര്‍ത്ത കൂടി. മധ്യനിര താരം ഷാക്കിബ് അല്‍ ഹസനെ ഏകദിനത്തിലെ മികച്ച ഓള്‍റൗണ്ടറായി തെരഞ്ഞെടുത്തു. ഏറ്റവും പുതിയ ഐസിസി പട്ടികയിലാണ് ശ്രിലങ്കയുടെ ദില്‍ഷനെ പിന്തള്ളി ഷാക്കിബ് ഒന്നാമതെത്തിയത്.

ക്രിക്കറ്റിന്റെ മൂന്നു രൂപങ്ങളായ ടെസ്റ്റിലും, ഏകദിനത്തിലും, ട്വന്റി 20 യിലും മികച്ച ഓള്‍റൗണ്ടര്‍ ഷാക്കിബാണ്. ഏകദിനത്തിലെ ഓള്‍റൗണ്ടര്‍മാരുടെ റാങ്കിങ്ങില്‍ സാക്കിബിന് 408 പോയിന്റും ദില്‍ഷന് 404 പോയിന്റുമാണുള്ളത്. ലോകകപ്പ് കാലത്ത് ഏകദിനത്തില്‍ ഒന്നാം റാങ്കിലായിരുന്നെങ്കിലും ഇടക്കാലത്ത് പിന്നാക്കം പോയി. ഇന്ത്യക്കെതിരായ പരമ്പരയിലെ പ്രകടനത്തോടെ ഒന്നാം റാങ്ക് സാക്കിബ് തിരിച്ചുപിടിച്ചത്.