ചരിത്രത്തിലാദ്യമായി ബംഗ്ലാദേശിന് മുന്നില്‍ ഏകദിന പരമ്പര അടിയറവ് ഇന്ത്യക്ക് ഐസിസി റാങ്കിങിലും തിരിച്ചടി. ഏകദിന പരമ്പര തോറ്റതോടെ ഐസിസി റാങ്കിങില്‍ ഇന്ത്യയ്‌ക്കു രണ്ടു പോയിന്റ് നഷ്ടമായി. രണ്ടാം സ്ഥാനത്തുതന്നെ തുടരുന്ന ഇന്ത്യയുടെ റേറ്റിങ് പോയിന്റ് 115 ആയി. നേരത്തെ ഇത് 117 ആയിരുന്നു.

പുതിയ ഐസിസി റാങ്കിങില്‍ ലോകജേതാക്കളായ ഓസ്‌ട്രേലിയ ഒന്നാമതും ഇന്ത്യ രണ്ടാമതും ലോകകപ്പിലെ രണ്ടാം സ്ഥാനക്കാരായ ന്യൂസിലാന്‍ഡ് മൂന്നാം സ്ഥാനത്തുമാണ്. അതേസമയം ഇന്ത്യയ്‌ക്കെതിരായ പരമ്പര ജയം ബംഗ്ലാദേശിന് വലിയ നേട്ടമായി. വെസ്‌റ്റ് ഇന്‍ഡീസിനെ എട്ടാം സ്ഥാനത്തേക്കു പിന്തള്ളിയ ബംഗ്ലാദേശ് ഏഴാം സ്ഥാനത്തെത്തി. 93 ആണ് ബംഗ്ലാദേശിന്റെ റേറ്റിങ് പോയിന്റ്.