അനുബന്ധ വാര്ത്തകള്
- "വിളിച്ചോളു ഐപിഎൽ ലെജൻഡ് എന്ന്", മടങ്ങിവരവ് റെക്കോർഡിലൂടെ
- ഐപിഎല്ലിൽ അതിവേഗം 150 വിക്കറ്റ് നേട്ടത്തിൽ രണ്ടാമത്, ഒപ്പം പർപ്പിൾ ക്യാപ്പും
- നിയമം അനുവദിക്കുന്നത് ചെയ്യാൻ നമ്മൾ എന്തിന് മടിക്കണം: ആദ്യം മങ്കാദിങ് ഇപ്പോൾ തന്ത്രപരമായ റിട്ടയേർഡ് ഔട്ട്
- മാറുന്ന കാലം,മാറുന്ന ക്രിക്കറ്റ്: തന്ത്രപരമായ റിട്ടയേർഡ് ഔട്ട്, ഐപിഎൽ ചരിത്രത്തിൽ തന്നെ ഇതാദ്യം
- ബാംഗ്ലൂർ- മുംബൈ ആവേശപോരാട്ടത്തിനിടെ സഹോദരിയുടെ മരണം: ഹർഷൽ പട്ടേൽ നാട്ടിലേക്ക് മടങ്ങി
സാഹചര്യം വരുമ്പോൾ ഉപയോഗിക്കണമെന്ന് തീരുമാനിച്ചിരുന്നു, റിട്ടയേർഡ് ഔട്ട് തീരുമാനം അശ്വിന്റേതല്ലെന്ന് സഞ്ജു സാംസൺ
ലഖ്നൗ സൂപ്പർ കിങ്സിനെതിരെ ത്രസിപ്പിക്കുന്ന വിജയമാണ് രാജസ്ഥാൻ റോയൽസ് സ്വന്തമാക്കിയത്. ട്രന്റ് ബൗള്ട്ട്, യൂസ്വേന്ദ്ര ചാഹല്, കുല്ദീപ് സെന്, ഷിംറോണ് ഹെറ്റ്മയേര് എന്നിവരുടെ പ്രകടനം നിർണായകമായപ്പോൾ വിജയം രാജസ്ഥാനെ തേടിയെത്തി. ഐപിഎൽ ചരിത്രത്തിൽ ആദ്യമായി തന്ത്രപരമായ റിട്ടയേർഡ് ഔട്ട് പിറന്നതും ഇന്നലത്തെ മത്സരത്തിലായിരുന്നു.
മത്സരത്തിലെ റിട്ടയേർഡ് ഔട്ട് തീരുമാനം അശ്വിന്റേത് അല്ലെന്നാണ് ടീം നായകനായ സഞ്ജു സാംസൺ മത്സരശേഷം വ്യക്തമാക്കിയത്.അശ്വിന് വളരെ പെട്ടെന്നെടുത്ത തീരുമാനമായിരുന്നില്ല അത്. ടീം നേരത്തേ പ്ലാന് ചെയ്തിരുന്ന കാര്യമാണ്. ഐപിഎല് സീസണ് തുടങ്ങുന്നതിന് മുമ്പുതന്നെ ഇത്തരത്തില് പുതുതായി ചെയ്യണമെന്ന പദ്ധതി ടീം ക്യാംപിലുണ്ടായിരുന്നു. രാജസ്ഥാൻ റോയൽസ് ആയിരുന്നത് കൊണ്ട് മാത്രമാണ് അത്തരത്തിൽ ഒന്ന് നടന്നത്. സാഹചര്യം വരുമ്പോള് ഉപയോഗിക്കണമെന്ന് നേരത്തെ ചിന്തയുണ്ടായിരുന്നു. തീരുമാനം ടീമിന്റേതായിരുന്നു. സഞ്ജു പറഞ്ഞു.
