ഇന്ത്യന്‍ ക്രിക്കറ്റ് ടീം നായകന്‍ രോഹിത് ശര്‍മയ്ക്ക് ഇന്ന് ജന്മദിന മധുരം. 1987 ഏപ്രില്‍ 30 ന് നാഗ്പൂരിലാണ് രോഹിത് ജനിച്ചത്. താരത്തിന്റെ 35-ാം ജന്മദിനമാണ് ഇന്ന്. മൂന്ന് ഫോര്‍മാറ്റിലും ഇന്ത്യയുടെ നായകനാണ് നിലവില്‍ രോഹിത്.

ഇന്ത്യയ്ക്കായി 228 ഏകദിനങ്ങളില്‍ നിന്ന് 48.6 ശരാശരിയോടെ 9,283 റണ്‍സും ടെസ്റ്റില്‍ 44 മത്സരങ്ങളില്‍ നിന്ന് 46.60 ശരാശരിയോടെ 3,076 റണ്‍സും ട്വന്റി 20 യില്‍ 124 മത്സരങ്ങളില്‍ നിന്ന് 32.75 ശരാശരിയോടെ 3,308 റണ്‍സും രോഹിത് ശര്‍മ നേടിയിട്ടുണ്ട്.