അനുബന്ധ വാര്ത്തകള്
- Royal Challengers Bangalore: ഇതുപോലൊരു മധ്യനിരയെ വെച്ച് പ്ലേ ഓഫില് കയറാതിരിക്കുകയാണ് നല്ലത്, എന്തൊരു മോശം കളിയെന്ന് ആരാധകര്
- Royal Challengers Bangalore: കാല്ക്കുലേറ്റര് എടുക്കാന് സമയമായി ! ആര്സിബിക്ക് പ്ലേ ഓഫില് കയറാന് എന്തെങ്കിലും സാധ്യതയുണ്ടോ?
- Suryakumar Yadav: ഒന്ന് ഫോം ഔട്ട് ആയപ്പോള് എഴുതി തള്ളിയവരൊക്കെ എവിടെ? ട്വന്റി 20 യില് കോലിയൊക്കെ സൂര്യയുടെ താഴെ നില്ക്കണം; പുകഴ്ത്തി സോഷ്യല് മീഡിയ
- Royal Challengers Bangalore: ഈ ടീം പിരിച്ചുവിടുന്നതാണ് നല്ലത്, ഇത്തവണയും ഗതി പിടിക്കില്ല; ആര്സിബിക്കെതിരെ ആരാധകര്
- ഇക്കുറി കപ്പെടുക്കും, ഒരു സീസൺ കൂടെ ഐപിഎൽ കളിക്കും: ധോനിയുടെ പ്ലാനിനെ പറ്റി റെയ്ന
Virat Kohli: 'വേറെ ഏതെങ്കിലും ഫ്രാഞ്ചൈസിയില് കളിച്ച് കപ്പടിക്കാന് നോക്ക്'; ആര്സിബി കോലിയെ റിലീസ് ചെയ്യണമെന്ന് ആരാധകര്, കാരണം ഇതാണ്
Virat Kohli: വിരാട് കോലിയെ റോയല് ചലഞ്ചേഴ്സ് ബാംഗ്ലൂര് റിലീസ് ചെയ്യണമെന്ന ആവശ്യവുമായി ആരാധകര്. ആര്സിബിയില് നിന്നുകൊണ്ട് ഒരു കപ്പ് നേടാന് കോലിക്ക് സാധിക്കില്ലെന്നും ഐപിഎല്ലില് ഇത്രയേറെ റെക്കോര്ഡ് ഉള്ള കോലി കിരീടമില്ലാതെ വിരമിക്കേണ്ടി വരുന്ന സാഹചര്യം സഹിക്കാന് പറ്റില്ലെന്നുമാണ് ആരാധകര് പറയുന്നത്. ഒരു സീസണ് കൂടി കളിക്കാന് സാധിച്ചാല് അത് വേറൊരു ഫ്രാഞ്ചൈസിക്ക് വേണ്ടിയാകുന്നതാണ് കോലിക്ക് നല്ലതെന്നാണ് ആരാധകരുടെ അഭിപ്രായം.
ആര്സിബിക്ക് വേണ്ടി ഏറ്റവും മികച്ച രീതിയില് വര്ഷങ്ങളായി കളിക്കുന്ന താരമാണ് കോലി. 2010 മുതല് 2023 വരെയുള്ള സീസണുകള് നോക്കിയാല് അതില് ഒന്നില് പോലും കോലി 300 റണ്സില് കുറവ് നേടിയിട്ടില്ല. അങ്ങനെയൊരു താരത്തിനു ഇതുവരെ കിരീടം നേടാന് സാധിക്കാത്തത് വലിയ നിര്ഭാഗ്യമാണ്.
ഈ സീസണിലും ആര്സിബിക്ക് കപ്പ് നേടാന് സാധിക്കില്ലെന്ന് ഏറെക്കുറെ ഉറപ്പായി കഴിഞ്ഞു. ഇന്നലെ നിര്ണായക മത്സരത്തില് മുംബൈ ഇന്ത്യന്സിനോട് തോല്വി വഴങ്ങിയ ആര്സിബിയുടെ പ്ലേ ഓഫ് പ്രതീക്ഷകള് ഏറെക്കുറെ അസ്തമിച്ചിരിക്കുകയാണ്. ശേഷിക്കുന്ന മൂന്ന് മത്സരങ്ങളിലും മികച്ച റണ്റേറ്റില് ജയിച്ചാല് മാത്രമേ ഇനി ആര്സിബിക്ക് പ്ലേ ഓഫ് കളിക്കാന് സാധിക്കൂ. ഈ സാഹചര്യത്തിലാണ് കോലി ആര്സിബി വിടണമെന്ന ആവശ്യവുമായി ആരാധകര് രംഗത്തെത്തിയിരിക്കുന്നത്.
കോലിക്ക് ഇപ്പോള് 34 വയസ് കഴിഞ്ഞു. അന്താരാഷ്ട്ര കരിയര് അവസാനിപ്പിച്ചാലും കുറച്ച് വര്ഷം കൂടി കോലി ഐപിഎല്ലില് തുടര്ന്നേക്കും. അതുകൊണ്ട് ആര്സിബി കോലിയെ ഈ സീസണ് കഴിഞ്ഞാല് റിലീസ് ചെയ്യണം. വേറെന്തെങ്കിലും ഫ്രാഞ്ചൈസിയില് കളിച്ച് കപ്പ് നേടാന് കോലിക്ക് അവസരമുണ്ടാക്കി കൊടുക്കണം. ഐപിഎല്ലില് ഇത്രയേറെ റെക്കോര്ഡുകള് സ്വന്തമായുള്ള കോലി ഒരു കിരീടമില്ലാതെ കരിയര് അവസാനിപ്പിക്കേണ്ടി വന്നാല് അത് തങ്ങള്ക്ക് വേദനയുണ്ടാക്കുമെന്നും ആരാധകര് പറയുന്നു.
അതേസമയം, ഐപിഎല് കളിക്കുന്നിടത്തോളം കാലം താന് ആര്സിബിയില് ഉണ്ടാകുമെന്നാണ് കോലിയുടെ നിലപാട്. എത്ര കോടികള് മറ്റ് ഫ്രാഞ്ചൈസികള് ഓഫര് ചെയ്താലും ആര്സിബി വിടാന് കോലി ഒരുക്കമല്ല.
