ബ്രിസ്ബേന്‍|
vishnu|
Last Modified ഞായര്‍, 1 മാര്‍ച്ച് 2015 (10:38 IST)
ലോകകപ്പ് ക്രിക്കറ്റില്‍ സിംബാബ്വെയ്ക്കെതിരെ ടോസ് നേടിയ പാകിസ്ഥാന് ബാറ്റിങ് തിരഞ്ഞെടുത്തു. ബ്രിസ്ബേനിലെ ഗബ്ബയിലാണ് മല്‍സരം. കളിച്ച രണ്ടു മല്‍സരങ്ങളിലും തോറ്റ പാകിസ്ഥാന് ഈ മല്‍സരം നിര്‍ണായകമാണ്. പാക്ക് ടീമില്‍ യൂനിസ്ഖാനെ ഒഴിവാക്കി രഹത് അലിയെ ഉള്‍പ്പെടുത്തി.
ഇന്ത്യയോടും വെസ്റ്റ് ഇന്‍ഡീസിനൊടും പരാജയപ്പെട്ടതിനാല്‍ ഈ മത്സരത്തില്‍ കൂടി പരാജയപ്പെട്ടാല്‍ പാകിസ്ഥാന്റെ ക്വാര്‍ട്ടര്‍ പ്രതീക്ഷകള്‍ അസ്തമിക്കും. പാക് ടീമിന്റെ തുടര്‍ച്ചയുള്ള പരാജയത്തിന് പിന്നലെ ടീമില്‍ പടലപ്പിണക്കവും ഉണ്ടായിട്ടുണ്ട് എന്ന് റിപ്പോര്‍ട്ടുകള്‍ പുറത്തുവന്നതിനാല്‍ ഈ മത്സരവിജയം പാകിസ്ഥാന് അഭിമാന പ്രശ്നമാണ്.
അതേസമയം സിംബാബ്വെയ്ക്കും ഈ മത്സര വിജയം ക്വാര്‍ട്ടര്‍ പ്രവേശനത്തിന് അത്യന്താപേക്ഷിതമാണ്. നിലവില്‍ മൂന്നുകളികളില്‍ നിന്നായി ഒരുജയം മാത്രമേ ടീമിനുള്ളു. എന്നാല്‍ പാകിസ്ഥാനാണ് വിജയസാധ്യത കല്‍പ്പിക്കുന്നത്.
