വിരമിച്ച ശ്രീലങ്കൻ ഇതിഹാസ ക്രിക്കറ്റർ കുമാർ സംഗക്കാര പാകിസ്ഥാൻ സൂപ്പർ ലീഗ് ക്രിക്കറ്റിൽ കളിക്കാൻ കരാറിൽ ഒപ്പുവച്ചു. ദുബായിലും ഷാർജയിലുമായി 2016 ഫെബ്രുവരി 4 മുതൽ 24 വരെയാണ് പിഎസ്എൽ നടക്കുന്നത്.

പാകിസ്ഥാനിലെ ക്വറ്റ, ലാഹോർ, പെഷവാർ, കറാച്ചി, ഇസ്ളാമബാദ് എന്നീ പ്രമുഖ നഗരങ്ങളുടെ പേരിലുള്ള അഞ്ച് ഫ്രാഞ്ചൈസി ടീമുകളാണ് പി.എസ്.എല്ലിന്റെ ആദ്യ എഡിഷനിൽ മാറ്റുരയ്ക്കുക. ഇതിനകം നൂറ്റമ്പതോളം താരങ്ങളുമായി കരാറായതായി പി.എസ്.എൽ അധികൃതർ അറിയിച്ചു.