കുല്‍ദീപിന്റെ ആ മാന്ത്രിക ബോളിംഗിനു പിന്നിലെ രഹസ്യമെന്ത് ?; സംശയം അഫ്രീദിയില്‍ വരെയെത്തി

കുല്‍ദീപിന്റെ ആ മാന്ത്രിക ബോളിംഗിനു പിന്നിലെ രഹസ്യമെന്ത് ?; സംശയം അഫ്രീദിയില്‍ വരെയെത്തി

 kuldeep yadav , kieron pollard , criket , kohli , team india , ട്വന്റി-20 , പൊള്ളാര്‍ഡ് , കുല്‍‌ദീപ് യാദവ് , സഞ്ജയ് മഞ്ജരേക്കര്‍
കൊല്‍ക്കത്ത| jibin| Last Modified ചൊവ്വ, 6 നവം‌ബര്‍ 2018 (13:35 IST)
ഇന്ത്യന്‍ സ്‌പിന്നര്‍മാര്‍ ക്രിക്കറ്റ് ലോകത്ത് എന്നും അത്ഭുതങ്ങള്‍ കാട്ടിയിട്ടുള്ളവരാണ്. ഇവരുടെ പട്ടികയില്‍ ഏറ്റവും പുതിയതായി ഇടം പിടിച്ചിരിക്കുന്നത് കുല്‍‌ദീപ് യാദവും ചാഹലുമാണ്. എന്നാല്‍ വെസ്‌റ്റ് ഇന്‍ഡീസിനെതിരായ ആദ്യ മത്സരത്തില്‍ കുല്‍ദീപ് എറിഞ്ഞ ഒരു പന്താണ് ഇപ്പോള്‍ ചര്‍ച്ചയാകുന്നത്.

മത്സരത്തിന്റെ ഒമ്പതാം ഓവറില്‍ പൊള്ളാര്‍ഡിനെതിരെയാണ് കുല്‍ദീപ് തന്റെ മാന്ത്രികബോള്‍ പുറത്തെടുത്തത്. 75-80 കിലോ മീറ്റര്‍ വേഗതയില്‍ ബോള്‍ ചെയ്യുന്ന ഇന്ത്യന്‍ സ്‌പിന്നര്‍ വിന്‍ഡീസ് താരത്തെ ഞെട്ടിക്കാന്‍ പുറത്തെടുത്തത് 107 കിലോമീറ്റര്‍ വേഗതയുള്ള പന്തായിരുന്നു.

അപ്രതീക്ഷിതമായി പാഞ്ഞെത്തിയ ബോള്‍ നേരിടാന്‍ പൊള്ളാര്‍ഡിന് സാധിച്ചെങ്കിലും കുല്‍‌ദീപില്‍ നിന്നുമുണ്ടായ ഈ നീക്കത്തെ അത്ഭുതത്തോടെയാണ് അദ്ദേഹം നോക്കിക്കണ്ടത്. ഇടംകൈയന്‍ മീഡിയം പേസറുടേത് പോലെ വേഗമേറിയ പന്താണ് കുല്‍ദീപ് എറിഞ്ഞതെന്നാണ് ശ്രദ്ധേയം.

ആ പന്തില്‍ വിക്കറ്റ് ലഭിച്ചില്ലെങ്കിലും കുല്‍ദീപിന്റെ ആവനാഴിയിലെ പുതിയ ആയുധമാണെന്നായിരുന്നു കമന്ററി ബോക്സിലുണ്ടായിരുന്ന സുനില്‍ ഗവാസ്കറും സഞ്ജയ് മഞ്ജരേക്കറും വ്യക്തമാക്കിയത്.

ആരാധകരുടെ ഇഷ്‌ടതാരവും പാകിസ്ഥാന്‍ മുന്‍ സ്‌പിന്നറുമായിരുന്ന ഷഹീദ് അഫ്രീദിയാണ് ഇത്തരത്തില്‍ ബോള്‍ ചെയ്യുന്നത്. ബാറ്റ്‌സ്‌മാനെ ഞെട്ടിക്കാന്‍ അപ്രതീക്ഷിതമായി 115-120 കിലോ മീറ്റര്‍ വേഗത്തില്‍ പന്തെറിയുന്നത് അദ്ദേഹത്തിന്റെ ശീലമാണ്.


ഇതിനെക്കുറിച്ച് കൂടുതല്‍ വായിക്കുക :