അനുബന്ധ വാര്ത്തകള്
- താരങ്ങൾക്ക് മുറിയിൽ പോലും സ്വകാര്യതയില്ല, അസ്വസ്ഥപ്പെടുത്തുന്നുവെന്ന് ദ്രാവിഡ്
- അവൻ്റെ ബാറ്റിംഗിൽ ഒരു പിഴവ് പോലും കണ്ടെത്താനാകുന്നില്ല, ഇന്ത്യൻ താരത്തെ പുകഴ്ത്തി ഫ്ലെമിങ്
- കോലിയായിരുന്നു നല്ലത്, രോഹിത്തിന് ഒരു ധാരണയുമില്ല: വിമർശനവുമായി ജഡേജ
- മനോഭാവം മാറേണ്ടതുണ്ട്, രാഹുലിന് സ്വന്തം കഴിവിൽ വിശ്വാസമില്ലെന്ന് ഗവാസ്കർ
- ടി20 ലോകകപ്പിൽ ഇന്ത്യ ഇന്ന് ബംഗ്ലാദേശിനെതിരെ: വമ്പൻ റെക്കോർഡിൽ കണ്ണുവെച്ച് കോലിയും സൂര്യയും
മറ്റാരും തന്നെ പരിസരത്തില്ല, കോലിയുടെ ടി20 ലോകകപ്പ് റെക്കോർഡ് അമ്പരപ്പിക്കുന്നത്
ടി20 ലോകകപ്പുകളിലായി ഏറ്റവും കൂടുതൽ റൺസ് നേടുന്ന താരമെന്ന റെക്കോർഡ് സ്വന്തമാക്കി ഇന്ത്യയുടെ സൂപ്പർ താരം വിരാട് കോലി. ബംഗ്ലാദേശിനെതിരെ അഡ്ലെയ്ഡ് ഓവലിൽ നടന്ന മത്സരത്തിൽ 16 റൺസ് സ്വന്തമാക്കിയതോടെയാണ് കോലി നേട്ടം സ്വന്തമാക്കിയത്.
31 ഇന്നിങ്ങ്സുകളിൽ നിന്ന് 1016 റൺസ് സ്വന്തമാക്കിയിരുന്ന ശ്രീലങ്കയുടെ മഹേള ജയവർധയെയാണ് കോലി മറികടന്നത്. 25 മത്സരങ്ങളിൽ നിന്നും 23 ഇന്നിങ്ങ്സുകളിൽ നിന്നുമാണ് കോലിയുടെ നേട്ടം. 23 ഇന്നിങ്ങ്സുകളിൽ നിന്നും 88.75 ശരാശരിയിൽ 1065 റൺസാണ് കോലിയുടെ പേരിലുള്ളത്. 132 പ്രഹരശേഷിയിലാണ് കോലിയുടെ നേട്ടം. 13 അർധസെഞ്ചുറികളാണ് ലോകകപ്പിൽ താരം നേടിയിട്ടുള്ളത്.
ലോകകപ്പിലെ ബാറ്റിങ് ശരാശരിയിൽ ഒരാളും തന്നെ കോലിയുടെ സമീപത്തില്ല. 39.07 ബാറ്റിംഗ് ശരാശരിയുള്ള മഹേള ജയവർധനെയാണ് കോലിയ്ക്ക് പിന്നിൽ രണ്ടാം സ്ഥാനത്ത്. ലോകകപ്പിൽ 40 ബാറ്റിങ് ശരാശരിയുള്ള മറ്റ് ബാറ്റർമാർ ആരുമില്ലാത്തപ്പോഴാണ് കോലി 88.75 ബാറ്റിംഗ് ശരാശരിയിൽ റൺസ് കണ്ടെത്തുന്നത്.
