ഐപിഎല്ലിൽ ആർസിബിക്കെതിരായ മത്സരത്തിനിടെ പരിക്കേറ്റ ലഖ്നൗ നായകൻ കെ എൽ രാഹുലിൻ്റെ പരിക്ക് ഗുരുതരമെന്ന് റിപ്പോർട്ട്. മത്സരത്തിൻ്റെ രണ്ടാമത്തെ ഓവറിൽ തന്നെ രാഹുൽ പരിക്കേറ്റ് ഗ്രൗണ്ടിൽ വീഴുകയായിരുന്നു. തുടർന്ന് ടീം ഫിസിയോയുടെ തോളിൽ പിടിച്ച് മുടന്തിയാണ് അദ്ദേഹം ഗ്രൗണ്ട് വിട്ടത്. ഐപിഎല്ലിൽ തുടർന്നുള്ള മത്സരങ്ങൾ താരത്തിന് നഷ്ടമാകുമെന്നാണ് കണക്കാകുന്നത്.

ഏകദിന ലോകകപ്പ് ഈ വർഷം നടക്കുന്നതിനാൽ കെ എൽ രാഹുലിൻ്റെ പരിക്ക് ഏറ്റവും ഉപകാരപ്പെടുക മലയാളി താരം സഞ്ജു സാംസണാകുമെന്ന് ആരാധകർ പറയുന്നു. നാലാം നമ്പറിൽ സൂര്യകുമാർ പരാജയമായ സാഹചര്യത്തിൽ രാഹുലിന് കൂടെ പരിക്കേറ്റതിനാൽ സഞ്ജുവിന് അത് അവസരമൊരുക്കുമെന്നാണ് ആാരാധകർ പറയുന്നത്.അതേസമയം താരത്തിൻ്റെ പരിക്കിനെ പറ്റി കൂടുതൽ വിവരങ്ങൾ പുറത്തുവന്നിട്ടില്ല. ക്രുണാൽ പാണ്ഡ്യയാകും രാഹുലിൻ്റെ അഭാവത്തിൽ ഐപിഎല്ലിൽ ലഖ്നൗവിനെ നയിക്കുക.