സജിത്ത്|
Last Modified വെള്ളി, 15 ഏപ്രില്‍ 2016 (08:50 IST)
ഐ പി എല്ലില്‍ ഗുജറാത്ത് ലയണ്‍സ് തുടര്‍ച്ചയായ രണ്ടാം ജയത്തോടെ പോയിന്റ് നിലയില്‍ ഒന്നാമതെത്തി. ഈ ഐ പി എല്ലിലെ നവാഗതര്‍ പരസ്‌പരം ഏറ്റുമുട്ടിയപ്പോള്‍, ധോണിക്കുമേല്‍ റെയ്‌നയുടെ ഗുജറാത്ത് ലയണ്‍സിന് ഉജ്ജ്വല വിജയമാണ് സ്വന്തമാക്കിയത്. ഏഴുവിക്കറ്റിനാണ് ഗുജറാത്ത് ലയണ്‍സ് വിജയിച്ചത്.
പൂനെ ഉയര്‍ത്തിയ 164 റണ്‍സ് വിജയലക്ഷ്യം ഗുജറാത്ത് 18 ഓവറില്‍ 7 വിക്കറ്റ് ശേഷിക്കെ മറികടന്നു. അര്‍ധസെഞ്ചുറി നേടി ഗുജറാത്തിന് മികച്ച ജയം സമ്മാനിച്ച ആരണ്‍ ഫിഞ്ചാണ് മാന്‍ ഓഫ് ദ മാച്ച്. 49 റണ്‍സെടുത്ത് ബ്രണ്ടന്‍ മക്കല്ലവും മികച്ച പിന്തുണ നല്‍‌കി.
ടോസ് നേടി ബാറ്റുചെയ്‌ത് റൈസിങ് പൂനെയ്‌ക്കു മികച്ച തുടക്കമാണ് ലഭിച്ചത്. 69 റണ്‍സെടുത്ത് ഫാഫ് ഡുപ്ലെസിസാണ് ടോപ്‌സ്‌കോറര്‍. 43 പന്തില്‍ അഞ്ചു ബൗണ്ടറികളും നാലു സിക്‌സറുകളും ഉള്‍പ്പെടുന്നതാണ് ഡുപ്ലെസിസിന്റെ ഇന്നിംഗ്സ്. മുന്‍ ഇംഗ്ലീഷ് താരം കെവിന്‍ പീറ്റേഴ്‌സണ്‍ 31 പന്തില്‍ 37 റണ്‍സെടുത്തു. രണ്ടു ബൗണ്ടറികളും ഒരു സിക്‌സറും പീറ്റേഴ്‌സണ്‍ നേടി. ആജിന്‍ക്യ രഹാനെ 21 റണ്‍സും നായകന്‍ എം എസ് ധോണി പത്തു പന്തില്‍ പുറത്താകാതെ 22 റണ്‍സും നേടി. ഗുജറാത്ത് ലയണ്‍സിനുവേണ്ടി പ്രവിണ്‍ ടാംബെ, രവീന്ദ്ര ജഡേജ എന്നിവര്‍ രണ്ടു വിക്കറ്റ് വീതം നേടി.
ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ്
ഇവിടെ ഡൌണ്‍‌ലോഡ് ചെയ്യാം
