2024ലെ വനിതാ കരീബിയന്‍ പ്രീമിയര്‍ ലീഗ് സീസണില്‍ ട്രിന്‍ബാഗോ നൈറ്റ് റൈഡേഴ്‌സിന് വേണ്ടി ഇന്ത്യന്‍ ബാറ്റര്‍ ജെമീമ റോഡ്രിഗസും ഫാസ്റ്റ് ബൗളര്‍ ശിഖ പാണ്ഡെയും കളിക്കും. ഇരുവര്‍ക്കും കളിക്കാനായി ബിസിസിഐ അനുമതി നല്‍കി. ഈ മാസം അവസാനം നടക്കാനിരിക്കുന്ന പ്ലെയര്‍ ഡ്രാഫ്റ്റില്‍ ഇരുവരെയും ടികെആര്‍ ഉള്‍പ്പെടുത്തി.

ഓസ്‌ട്രേലിയന്‍ ബാറ്ററായ മെഗ് ലാനിംഗും ഇടം കയ്യന്‍ സ്പിന്നര്‍ ജെസ് ജോനാസനുമാണ് ടീം ഡ്രാഫ്റ്റിലുള്ള മറ്റ് വിദേശതാരങ്ങള്‍. അതേസമയം ഡബ്യുസിപിഎല്ലില്‍ കളിക്കുന്നതില്‍ വളരെയധികം ആവേശത്തിലാണെന്ന് ജെമീമ റോഡ്രിഗസ് പ്രതികരിച്ചു. ഈ വര്‍ഷം ഓഗസ്റ്റ് 21 മുതല്‍ 30 വരെയാണ് സിപിഎല്‍ മത്സരങ്ങള്‍ നടക്കുക.