രേണുക വേണു|
Last Modified ചൊവ്വ, 28 ഫെബ്രുവരി 2023 (10:51 IST)
India vs Australia 3rd Test: ഇന്ത്യ - ഓസ്ട്രേലിയ ടെസ്റ്റ് പരമ്പരയിലെ മൂന്നാം മത്സരത്തിനു നാളെ (മാര്‍ച്ച് ഒന്ന്, ബുധന്‍) തുടക്കമാകും. ഇന്‍ഡോറില്‍ ഇന്ത്യന്‍ സമയം രാവിലെ 9.30 മുതല്‍ മത്സരം ആരംഭിക്കും. ആദ്യ രണ്ട് മത്സരങ്ങള്‍ ജയിച്ച ഇന്ത്യ പരമ്പരയില്‍ 2-0 ത്തിന് ലീഡ് ചെയ്യുകയാണ്. ശേഷിക്കുന്ന രണ്ട് മത്സരങ്ങളില്‍ ഒരെണ്ണത്തില്‍ ജയിച്ചാല്‍ തന്നെ ഇന്ത്യക്ക് പരമ്പര സ്വന്തമാക്കാം. അതേസമയം, നാണക്കേട് ഒഴിവാക്കാനാണ് ഓസ്ട്രേലിയ കളത്തിലിറങ്ങുക. പാറ്റ് കമ്മിന്‍സിന്റെ അസാന്നിധ്യത്തില്‍ സ്റ്റീവ് സ്മിത്താണ് ഓസ്ട്രേലിയയെ നയിക്കുക.
മോശം ഫോമില്‍ തുടരുന്ന കെ.എല്‍.രാഹുലിന് ശേഷിക്കുന്ന രണ്ട് മത്സരങ്ങളില്‍ പ്ലേയിങ് ഇലവനില്‍ സ്ഥാനം നഷ്ടപ്പെട്ടേക്കും. രാഹുലിന് പകരം ശുഭ്മാന്‍ ഗില്‍ ടീമില്‍ സ്ഥാനം പിടിക്കും. മറ്റ് മാറ്റങ്ങള്‍ക്കൊന്നും ഇന്ത്യന്‍ ടീമില്‍ സാധ്യതയില്ല. രവിചന്ദ്രന്‍ അശ്വിന്‍ ആയിരിക്കും ഇന്ത്യയുടെ ഉപനായകന്‍.
സാധ്യത ഇലവന്‍: രോഹിത് ശര്‍മ, ശുഭ്മാന്‍ ഗില്‍, ചേതേശ്വര്‍ പൂജാര, വിരാട് കോലി, ശ്രേയസ് അയ്യര്‍, രവീന്ദ്ര ജഡേജ, ശ്രികര്‍ ഭരത്, രവിചന്ദ്രന്‍ അശ്വിന്‍, അക്ഷര്‍ പട്ടേല്‍, മുഹമ്മദ് സിറാജ്, മുഹമ്മദ് ഷമി
