അഭിറാം മനോഹർ|
Last Modified തിങ്കള്‍, 4 നവം‌ബര്‍ 2024 (20:46 IST)
ഓസ്‌ട്രേലിയക്കെതിരായ അഞ്ച് ടെസ്റ്റുകളുടെ പരമ്പരയ്ക്ക് മുന്‍പായി ഇന്ത്യ സന്നാഹ മത്സരങ്ങള്‍ കളിക്കണമെന്ന് ഇന്ത്യന്‍ ഇതിഹാസതാരം സുനില്‍ ഗവാസ്‌കര്‍. പ്രത്യേകിച്ചും യുവ കളിക്കാരെ സാഹചര്യങ്ങളുമായി പൊരുത്തപ്പെടാന്‍ സഹായിക്കുന്നതിന് ഇത് അത്യാവശ്യമാണെന്ന് അദ്ദേഹം പറഞ്ഞു.
ഓസ്‌ട്രേലിയന്‍ പര്യടനത്തിന് മുന്‍പായി ഇന്ത്യ എ ടീമുമായുള്ള ഇന്‍ട്രാ സ്‌ക്വാഡ് സന്നാഹമത്സരം ടീം അടുത്തിടെ റദ്ദാക്കിയിരുന്നു. ഇതുവരെ ഓസ്‌ട്രേലിയയില്‍ കളിച്ചിട്ടില്ലാത്ത യശ്വസി ജയ്‌സ്വാള്‍,സര്‍ഫറാസ് ഖാന്‍, ധ്രുവ് ജുറല്‍ തുടങ്ങിയ താരങ്ങള്‍ക്ക് ഓസ്‌ട്രേലിയന്‍ അന്തരീക്ഷവുമായി പരിചയമാവാന്‍ സന്നാഹമത്സരങ്ങള്‍ സഹായിക്കുമെന്നും ഗവാസ്‌കര്‍ പറഞ്ഞു.
