അനുബന്ധ വാര്ത്തകള്
- സ്മിത്തിനെയും ലബുഷെയ്നിനെയും ആറ് മാസത്തോളം നിരീക്ഷിച്ചു, ഒറ്റ പന്ത് പോലും കാണാതെ വിട്ടിട്ടില്ല: അശ്വിൻ
- രാജ്യത്ത് പന്ത്രണ്ട് സംസ്ഥാനങ്ങളിലായി 200 ഒമിക്രോൺ രോഗികൾ
- 2021ൽ റൺമല തീർത്ത് ജോ റൂട്ട്, പിന്നിലാക്കിയത് സച്ചിനെയും ഗവാസ്കറിനെയും
- ഇന്ത്യയിൽ 3264 സ്ക്രീനുകളിൽ പ്രദർശനം, റെക്കോർഡ് ഓപ്പണിങ് നോട്ടമിട്ട് സ്പൈഡർമാൻ
- അതിവേഗത്തിൽ 2000 ടെസ്റ്റ് റൺസ്, ഇതിഹാസങ്ങൾക്ക് തൊട്ടരുകിൽ മാർനസ് ലബുഷെയ്ൻ
റിഷഭ് ഇനി ധോണിയുടെ മുകളിൽ! വമ്പൻ റെക്കോഡിനരികെ
ഇതിഹാസ നായകനും വിക്കറ്റ് കീപ്പറുമായ എംഎസ് ധോണിയുടെ പിൻഗാമിയായി വന്ന താരമാണ് റിഷഭ് പന്ത്. തുടക്കക്കാലത്ത് കീപ്പിങ് പിഴവുകളുടെയും ബാറ്റിങ് പരാജയത്തിന്റെയും പേരിൽ വലിയ വിമർശനങ്ങൾക്ക് താരം പാത്രമായെങ്കിലും രണ്ടാം വരവിൽ വിമർശകരുടെ വായടപ്പിക്കുന്ന പ്രകടനമാണ് താരം നടത്തിയത്.
ഇപ്പോഴിതാ സൗത്താഫ്രിക്കയ്ക്കെതിരേ നടക്കാനിരിക്കുന്ന ടെസ്റ്റ് പരമ്പരയില് ധോണിയുടെ തന്നെ വമ്പൻ റെക്കോഡ് തിരുത്താനൊരുങ്ങുകയാണ് പന്ത്. ടെസ്റ്റ് ക്രിക്കറ്റിൽ അതിവേഗം 100 പേരെ പുറത്താക്കിയ ഇന്ത്യൻ കീപ്പറെന്ന റെക്കോർഡാണ് പരമ്പരയിൽ പന്തിനെ കാത്തിരിക്കുന്നത്.
36 ടെസ്റ്റിൽ നിന്നായിരുന്നു ധോണി ഈ നേട്ടം സ്വന്തമാക്കിയത്. എന്നാൽ വെറും 26 ടെസ്റ്റുകളിൽ നിന്ന് 97 പേരെയാണ് താരം പുറത്താക്കിയത്. 3 പേരെ കൂടി പുറത്താക്കാനായാൽ 100 ഡിസ്മിസലുകൾ തികയ്ക്കുന്ന നാലാമത്തെ ഇന്ത്യൻ താരമായി പന്ത് മാറും. നയൻ മോംഗിയ,സജിദ് കിർമാനി,മഹേന്ദ്ര സിങ് ധോണി,വൃധിമാൻ സാഹ എന്നിവരാണ് ഇതിന് മുൻപ് ഈ നേട്ടം സ്വന്തമാക്കിയിട്ടുള്ളത്.
