അനുബന്ധ വാര്ത്തകള്
- ആറ് ആഴ്ചയിൽ അഞ്ച് ടെസ്റ്റ് കളിക്കുക എന്നത് തമാശയല്ല, ഉയർന്ന ഫിറ്റ്നസ് ഉള്ളവരും തളരും: വിരാട് കോലി
- കോൺവേയെ ഇന്ത്യ കരുതിയിരിക്കുക, 25 വർഷത്തെ റെക്കോർഡ് തകർത്താണ് അവന്റെ വരവ്
- ഇന്ത്യൻ ടീമിലെ കംപ്ലീറ്റ് അത്ലറ്റ് ജഡ്ഡുവോ കോലിയോ അല്ല: ഇന്ത്യൻ ഫീൽഡിങ് കോച്ച് പറയുന്നു
- ഏത് മൈതാനത്തിലും വിജയിക്കാൻ ഇന്നത്തെ ഇന്ത്യയ്ക്ക് സാധിക്കും, ഇമ്രാൻ ഖാന് കീഴിൽ പാകിസ്താൻ ചെയ്തതാണ് ഇന്ത്യ ആവർത്തിക്കുന്നതെന്ന് റമീസ് രാജ
- ഗ്രൗണ്ടിലേക്കും തിരിച്ചുമുള്ള യാത്രയിൽ കണ്ടത് ഭീകരമായ കാഴ്ച്ചകൾ, വെളിപ്പെടുത്തലുമായി വാർണർ
ലോർഡ്സിൽ അരങ്ങേറ്റ ഇന്നിങ്സിൽ സെഞ്ചുറി, കോൺവേ തകർത്ത റെക്കോർഡുകൾ ഇങ്ങനെ
ക്രിക്കറ്റിന്റെ മെക്കയെന്ന് അറിയപ്പെടുന്ന ലോർഡ്സിൽ മികച്ച ഒരു പ്രകടനം നടത്തുക എന്നത് എക്കാലത്തും ഓരോ ക്രിക്കറ്റ് കളിക്കാരന്റെയും സ്വപ്നമാണ്. ഇപ്പോഴിതാ തന്റെ അരങ്ങേറ്റ ടെസ്റ്റ് മത്സരത്തിൽ ഇരട്ട സെഞ്ചുറിയോടെ രാജകീയമായി അന്താരാഷ്ട്ര ക്രിക്കറ്റിൽ തന്റെ വരവറിയിച്ചിരിക്കുകയാണ് കിവീസ് താരം ഡെവോൺ കോൺവേ.
ഇടം കൈയന് ഓപ്പണറായ കോണ്വെ ഇരട്ട സെഞ്ച്വറി നേടിയതോടെ പല ലോക റെക്കോഡുകളുമാണ് തകര്ത്തത്.ഇംഗ്ലണ്ടില് ടെസ്റ്റ് അരങ്ങേറ്റം നടത്തി ഇരട്ട സെഞ്ച്വറി നേടുന്ന ആദ്യത്തെ താരമാണ് കോണ്വെ. കൂടാതെ ഇംഗ്ലണ്ടിൽ അരങ്ങേറ്റകാരന്റെ ഏറ്റവും ഉയർന്ന സ്കോർ കൂടിയാണിത്.
ആദ്യ ടെസ്റ്റ് മത്സരത്തില് ഇരട്ട സെഞ്ച്വറി നേടുന്ന ഏഴാമത്തെ താരമാണ് കോൺവേ. ന്യൂസീലന്ഡിനുവേണ്ടി അരങ്ങേറ്റ ടെസ്റ്റില് ഇരട്ട സെഞ്ച്വറി നേടുന്ന രണ്ടാമത്തെ താരവും. മാത്യു സിന്ക്ലയര് ആണ് ആദ്യതാരം. ലോര്ഡ്സില് ആദ്യ ദിവസം തന്നെ കോണ്വെ സെഞ്ച്വറി പൂര്ത്തിയാക്കിയിരുന്നു. ഈ നേട്ടം സ്വന്തമാക്കുന്ന ആദ്യത്തെ താരമാണ് കോണ്വെ.
