ടി20 ക്രിക്കറ്റില്‍ 1000 റണ്‍സ് തികയ്ക്കുകയും 100 വിക്കറ്റ് വീഴ്ത്തുകയും ചെയ്യുന്ന ആദ്യ ഇന്ത്യന്‍ താരമായി ദീപ്തി ശര്‍മ. ഞായറാഴ്ച നടന്ന ഇന്ത്യ ഓസ്‌ട്രേലിയ രണ്ടാം ടി20യിലാണ് ഇന്ത്യന്‍ ഓള്‍റൗണ്ടര്‍ റെക്കോര്‍ഡ് നേട്ടം സ്വന്തമാക്കിയത്. മത്സരത്തില്‍ 27 പന്തില്‍ നിന്നും 30 റണ്‍സുമായി ഇന്ത്യന്‍ നിരയിലെ ടോപ്‌സ്‌കോറര്‍ ആയതും ദീപ്തിയായിരുന്നു.

മത്സരത്തില്‍ ഓസ്‌ട്രേലിയയ്ക്ക് മികച്ച തുടക്കം നല്‍കിയ ഓപ്പണര്‍മാരായ അലീസ ഹീലി,ബേത്ത് മൂണി എന്നിവരുടെ വിക്കറ്റുകളും ദീപ്തി സ്വന്തമാക്കിയിരുന്നു. കഴിഞ്ഞ ഫെബ്രുവരിയില്‍ വെസ്റ്റിന്‍ഡീസിനെതിരെ നടന്ന ടി20 പരമ്പരയില്‍ ടി20 ക്രിക്കറ്റില്‍ 100 വിക്കറ്റുകളെന്ന നേട്ടം ദീപ്തി കൈവരിച്ചിരുന്നു. ടി20 ക്രിക്കറ്റില്‍ പുരുഷവനിത വിഭാഗങ്ങളില്‍ തന്നെ 100 വിക്കറ്റും 1000 റണ്‍സും സ്വന്തമാക്കുന്ന ഏക താരമാണ് ദീപ്തി ശര്‍മ. മത്സരത്തില്‍ ദീപ്തി മികച്ച പ്രകടനം നടത്തിയെങ്കിലും 6 വിക്കറ്റിന് ഇന്ത്യ മത്സരത്തില്‍ പരാജയപ്പെട്ടു. ഇതോടെ മൂന്ന് മത്സരങ്ങളടങ്ങിയ പരമ്പര 1-1ന് സമനിലയിലായി. പരമ്പരയിലെ അവസാന മത്സരം ചൊവ്വാഴ്ച നവി മുംബൈയില്‍ നടക്കും.