ലോര്‍ഡ്‌സ്|
VISHNU N L|
Last Modified വ്യാഴം, 16 ജൂലൈ 2015 (19:37 IST)
ഓസ്‌ട്രേലിയന്‍ താരം ക്രിസ്‌ റോജസിന്‌ ലോക റെക്കോര്ഡ്. ടെസ്‌റ്റ് ക്രിക്കറ്റില്‍ തുടര്‍ച്ചയായി എട്ട്‌ ഇന്നിംഗ്സുകളില്‍ 50ല്‍ അധികം റണ്‍ നേടിയ താരം എന്ന റെക്കോര്‍ഡാണ്‌ റോജസ് സ്വന്തമായത്‌. വെസ്‌റ്റിന്‍ഡീസ്‌ താരങ്ങളായ ഇവേര്‍ടോണ്‍ വീക്ക്‌സ്, ശിവനരൈന്‍ ചന്ദ്രപോള്‍, സിംബാബ്‌വെന്‍ താരം ആന്‍ഡി ഫ്‌ളവര്‍, ശ്രീലങ്കന്‍ താരം കുമാര്‍ സങ്കകാര എന്നിവരുടെ പേരിലുള്ള റെക്കോര്‍ഡാണ്‌ റോജസ് തിരുത്തിക്കുറിച്ചത്.
നേരത്തെ ഈ റെക്കോര്ഡ് ഈ നാലുതാരങ്ങളുടെ പേരിലായിരുന്നു. ആ റോജസ് തിരുത്തി സ്വന്തം പേരിലേക്ക് ഒതുക്കിയത്. ആഷസ്‌ പരമ്പരയിലെ രണ്ടാം മത്സരത്തിലെ ആദ്യ ഇന്നിംഗ്സിലും 50ല്‍ അധികം റണ്‍ നേടിയതാണ്‌ താരത്തെ റെക്കോര്‍ഡില്‍ എത്തിച്ചത്‌.
