അനുബന്ധ വാര്ത്തകള്
- അവസാന ഐസിസി കിരീടം നേടിയത് 2013ൽ! ടെസ്റ്റ് ചാമ്പ്യൻഷിപ്പ് ഇന്ത്യയുടെ കിരീട വരൾച്ച പരിഹരിക്കുമോ?
- ലോർഡ്സിൽ അരങ്ങേറ്റത്തിൽ തന്നെ സെഞ്ചുറി, ഇടംകയ്യൻമാർ, ജനിച്ച ദിവസം പോലും ഒന്ന്: ഗാംഗുലിയും കോൺവേയും തമ്മിൽ അസാധാരണമായ സാമ്യങ്ങൾ
- ലോർഡ്സിൽ അരങ്ങേറ്റ ഇന്നിങ്സിൽ സെഞ്ചുറി, കോൺവേ തകർത്ത റെക്കോർഡുകൾ ഇങ്ങനെ
- ആറ് ആഴ്ചയിൽ അഞ്ച് ടെസ്റ്റ് കളിക്കുക എന്നത് തമാശയല്ല, ഉയർന്ന ഫിറ്റ്നസ് ഉള്ളവരും തളരും: വിരാട് കോലി
- ന്യൂസിലൻഡിന് മൂൻതൂക്കമുണ്ട് എന്നത് ആളുകളുടെ ധാരണ, ടീമിന് പൂർണ്ണ ആത്മവിശ്വാസമെന്ന് കോലി
കോലിയുമായുള്ള താരതമ്യത്തിൽ സമ്മർദ്ദമില്ല, പകരം അഭിമാനം മാത്രം: ബാബർ അസം
ആധുനിക ക്രിക്കറ്റിലെ മികച്ച ബാറ്റ്സ്മാന്മാർ ആരെന്ന ചോദ്യത്തിന് ഉത്തരമായി സമീപകാലത്തായി ഉയർന്നു വന്ന പേരാണ് പാകിസ്താൻ താരം ബാബർ അസമിന്റേത്. കളിക്കണക്കുകൾ താരതമ്യം ചെയ്യുമ്പോൾ ഇന്ത്യൻ നായകൻ വിരാട് കോലിയുമായാണ് പലരും ബാബറിനെ താരതമ്യപ്പെടുത്തുന്നത്.
ഇപ്പോഴിതാ വിരാട് കോലിയുമായി തന്നെ താരതമ്യം ചെയ്യുന്നതിനെക്കുറിച്ച് മനസ്സ് തുറന്നിരിക്കുകയാണ് ബാബർ അസം.ഖലീജ് ടൈംസിന് നല്കിയ അഭിമുഖത്തിലാണ് പാക് നായകന്റെ തുറന്ന് പറച്ചിൽ.വിരാട് കോലിയെപ്പോലുള്ള മികച്ച താരങ്ങളുമായി എന്നെ താരതമ്യപ്പെടുത്തുന്നത് വലിയ അംഗീകാരമായാണ് ഞാൻ കരുതുന്നത്. വിരാട് കോലി ലോകത്തിലെ മികച്ച താരങ്ങളിലൊരാളാണ്. വലിയ മത്സരങ്ങളിലെല്ലാം അദ്ദേഹം തിളങ്ങുന്നു. ആളുകള് കോലിയുമായി താരതമ്യപ്പെടുത്തുമ്പോള് എനിക്ക് സമര്ദ്ദം തോന്നാറില്ല. അത് ഒരു അഭിമാനമായാണ് ഞാൻ കാണുന്നത്.
വ്യക്തിപരമായി ഇത്തരം താരതമ്യങ്ങളോട് എനിക്ക് താൽപര്യമില്ല.എന്റെ ലക്ഷ്യം മികച്ച പ്രകടനം കാഴ്ചവെച്ച് ടീമിനെ വിജയിപ്പിക്കുകയും അഭിമാനത്തിലേക്ക് എത്തിക്കുകയുമാണ്. എനിക്ക് എന്റേതായ ശൈലിയും കോലിക്ക് കോലിയുടേതായ ശൈലിയുമുണ്ട്. ബാബർ അസം പറഞ്ഞു.
