Last Updated:
വെള്ളി, 19 ജൂണ്‍ 2015 (18:49 IST)
മമ്മൂട്ടിയെ നായകനാക്കി ലാല്‍ ജൂനിയര്‍ സംവിധാനം ചെയ്യുന്ന ചിത്രത്തിന് 'ഡ്രൈവിംഗ് ലൈസന്‍സ്' എന്ന് പേരിട്ടു. ലാല്‍ മറ്റൊരു പ്രധാന കഥാപാത്രത്തെ അവതരിപ്പിക്കുന്നു. കോമഡിക്കും ആക്ഷനും പ്രാധാന്യമുള്ള ഒരു ത്രില്ലറായിരിക്കും ഇത്.
ലാല്‍ ജൂനിയര്‍ പറഞ്ഞ കഥയിലെ വ്യത്യസ്തത മമ്മൂട്ടി തിരിച്ചറിയുകയും ഡേറ്റ് നല്‍കുകയുമായിരുന്നു എന്നാണ് വിവരം. ലാലും മമ്മൂട്ടിയും ചേര്‍ന്ന് ഈ സിനിമ നിര്‍മ്മിക്കുമെന്നും സൂചനയുണ്ട്.
ലാല്‍ ജൂനിയറിന്‍റെ ആദ്യ ചിത്രമായ ഹണീബീ സൂപ്പര്‍ ഹിറ്റായിരുന്നു. എന്നാല്‍ രണ്ടാമത്തെ സിനിമയായ ഹായ് ഐ ആം ടോണി പ്രേക്ഷകര്‍ സ്വീകരിച്ചില്ല.
