ഉദയ് അനന്തന്‍ സംവിധാനം ചെയ്യുന്ന മമ്മൂട്ടി ചിത്രമായ ‘വൈറ്റിന്റെ’ ട്രെയിലര്‍ പുറത്തിറങ്ങി. ഹ്യുമ ഖുറേഷിയാണ് ചിത്രത്തിലെ നായിക. ഇറോസ് ഇന്റര്‍നാഷണല്‍ നിര്‍മ്മിക്കുന്ന ചിത്രത്തിന്റെ സംഗീത സംവിധാനം നിവഹിച്ചിരിക്കുന്നത് രാഹുല്‍ രാജാണ് .

ലണ്ടനിലാണ് സിനിമ ചിത്രീകരിച്ചിരിക്കുന്നത്. സിനിമയുടെ കഥ പറഞ്ഞപ്പോള്‍ മമ്മൂട്ടിയാണ് ലൊക്കേഷനായി ലണ്ടന്‍ മതി എന്ന് നിര്‍ദേശിച്ചത്. അത് ഏറ്റവും ശരിയായ ഒരു നിര്‍ദ്ദേശമായിരുന്നു എന്ന് ചിത്രം പൂര്‍ത്തിയായപ്പോള്‍ സംവിധായകന്‍ തിരിച്ചറിയുന്നു. ഇതിലും യോജിച്ച ഒരു ലൊക്കേഷന്‍ വൈറ്റിനുവേണ്ടി കണ്ടെത്താന്‍ കഴിയില്ല. ലണ്ടന്‍റെ സൌന്ദര്യത്തേക്കുറിച്ച് മമ്മൂട്ടിക്കുള്ള ബോധ്യം എല്ലാവര്‍ക്കും ബോധ്യപ്പെട്ടത് വൈറ്റിന്‍റെ ഷൂട്ടിംഗ് സമയത്തായിരുന്നു.

‘വൈറ്റ്’ ഒരു പ്രണയചിത്രമാണ്. ഏറെക്കാലത്തിന് ശേഷമാണ് മമ്മൂട്ടിയുടെ ഒരു പ്രണയസിനിമ തിയേറ്ററുകളിലെത്തുന്നത്.