Last Updated:
തിങ്കള്‍, 2 ഫെബ്രുവരി 2015 (14:10 IST)
അനാര്‍ക്കലി! പൃഥ്വിരാജ് നായകനാകുന്ന പുതിയ സിനിമയുടെ പേരാണ്. തിരക്കഥാകൃത്ത് സച്ചി ആദ്യമായി സംവിധാനം ചെയ്യുന്ന ചിത്രമെന്ന നിലയില്‍ നേരത്തേതന്നെ വാര്‍ത്തകളിലിടം നേടിയ ഈ പ്രൊജക്ടിന് കഴിഞ്ഞ ദിവസമാണ് പേര് നിശ്ചയിച്ചത്.
പൃഥ്വിക്കൊപ്പം നായകതുല്യ കഥാപാത്രത്തെ ബിജു മേനോന്‍ അവതരിപ്പിക്കുന്ന അനാര്‍ക്കലി ഒരു മ്യൂസിക്കല്‍ ലവ് സ്റ്റോറിയാണ്. ഓര്‍ഡിനറി എന്ന മെഗാഹിറ്റ് നിര്‍മ്മിച്ച രാജീവ് നായരാണ് ഈ സിനിമ നിര്‍മ്മിക്കുന്നത്.
ലക്ഷദ്വീപിലായിരിക്കും അനാര്‍ക്കലിയുടെ കൂടുതല്‍ ഭാഗവും ചിത്രീകരിക്കുക എന്നാണ് റിപ്പോര്‍ട്ടുകള്‍.
ലക്നൌവും കൊച്ചിയും ചിത്രത്തിന്‍റെ ലൊക്കേഷനുകളാണ്. സുജിത് വാസുദേവാണ് ക്യാമറ.
ചോക്ലേറ്റ്, റോബിന്‍‌ഹുഡ്, മേക്കപ്പ്‌മാന്‍, സീനിയേഴ്സ്, ഡബിള്‍സ്, റണ്‍ ബേബി റണ്‍, ചേട്ടായീസ് തുടങ്ങിയ സിനിമകളുടെ തിരക്കഥാകൃത്താണ് സച്ചി.
