അനുബന്ധ വാര്ത്തകള്
- കേരളത്തില് സിന്തറ്റിക് ഡ്രഗ്സിന്റെ കടന്നുകയറ്റമാണ്: ജയസൂര്യ നായകനായ ചിത്രത്തിന്റെ സെറ്റിൽ നടന്നത് പറഞ്ഞ് വിജയ് ബാബു
- മോഹന്ലാലിന്റെ പെരുച്ചാഴിക്ക് രണ്ടാം ഭാഗം; നുണ പറഞ്ഞിട്ട് എന്ത് കിട്ടാനാണെന്ന് വിജയ് ബാബു
- Smriti Irani: സീരിയലിലേക്ക് തിരികെ വരാമോ?, ക്യും കി സാസ് ഭി ബഹു തി സീസൺ 2ൽ സ്മൃതി ഇറാനി വാങ്ങുന്നത് വമ്പൻ പ്രതിഫലം
- റജിസ്ട്രാർ ഓഫീസിൽ ബാലയും കോകിലയും; സ്വത്തുക്കൾ കോകിലയ്ക്ക് എഴുതി നൽകി?
- അക്കാര്യത്തിൽ മോഹൻലാലിനെ പോലെയല്ല മമ്മൂട്ടി: മണിയൻപിള്ള രാജു
എന്തൊരു വൃത്തികെട്ട നിയമമാണിത്?: സർക്കാർ പുനഃപരിശോധിക്കണം, മദ്യനയത്തിനെതിരെ വിജയ് ബാബു
കൊച്ചി: സര്ക്കാരിന്റെ മദ്യനയം പുനഃപ്പരിശോധിക്കണമെന്ന് നടനും നിര്മ്മാതാവുമായ വിജയ് ബാബു. ക്ലബ്ബുകളും ബാറുകളും എല്ലാമാസവും ഒന്നാംതീയതി അടച്ചിടണമെന്ന വിചിത്രമായ നിയമം സര്ക്കാര് പുനഃപരിശോധിക്കേണ്ടസമയം അതിക്രമിച്ചിരിക്കുന്നുവെന്നാണ് വിജയ് ബാബു പറയുന്നത്. ഞായറാഴ്ചയും ഒന്നാം തീയതിയും ഒന്നിച്ചുവന്ന സാഹചര്യത്തിലായിരുന്നു വിജയ് ബാബുവിന്റെ കുറിപ്പ്.
'ക്ലബ്ബുകളും ബാറുകളും എല്ലാമാസവും ഒന്നാംതീയതി അടച്ചിടണമെന്ന വിചിത്രമായ നിയമം സര്ക്കാര് പുനഃപരിശോധിക്കേണ്ടസമയം അതിക്രമിച്ചിരിക്കുന്നു. ഇന്ന് ഞായറാഴ്ചയാണ്. ഐപിഎല് നടക്കുന്നുണ്ട്. ക്ലബ്ബിലിരുന്ന്, മദ്യംകഴിച്ച് ഒരുമിച്ച് മത്സരം കാണണമെന്ന് ആഗ്രഹിക്കുന്നവര്ക്ക് എന്തുകൊണ്ട് അതിന് സാധിക്കില്ല? എന്തൊരു വൃത്തികെട്ട നിയമമാണിത്?', വിജയ് ബാബു ഫെയ്സ്ബുക്കില് കുറിച്ചു. കുറിപ്പിന്റെ അവസാനം വിജയ് ബാബു, വിഷയത്തില് മറ്റുള്ളവരുടെ അഭിപ്രായങ്ങളും കമന്റ് ചെയ്യാന് ആവശ്യപ്പെടുന്നുണ്ട്.
ഡ്രൈ ഡേകളില് മദ്യംവിളമ്പാന് ഏകദിന പെര്മിറ്റ് അനുവദിക്കാന് സര്ക്കാരിന്റെ പുതിയ മദ്യനയത്തില് നിര്ദേശമുണ്ടായിരുന്നു. ബിസിനസ് സമ്മേളനങ്ങള്, അന്താരാഷ്ട്ര കോണ്ഫറന്സുകള്, കൂടിച്ചേരലുകള് എന്നിവയുടെ ഭാഗമായി ഒന്നാംതീയതിയും മദ്യം വിളമ്പാം. ത്രീസ്റ്റാറിന് മുകളിലേക്കുള്ള ഹോട്ടലുകള്, ഹെറിറ്റേജ്, ക്ലാസിക് റിസോര്ട്ടുകള് എന്നിവയ്ക്കാണ് അനുമതി. ഒന്നാംതീയതി ഡ്രൈ ഡേയില് മാത്രമാണ് ഇളവ്. മറ്റു ഡ്രൈ ഡേകളില് അനുമതിയില്ല.
