തമിഴ്‍ നടൻ ശരത് കുമാറിന്റെ മകളായ വരലക്ഷ്‍മി ശരത്‍കുമാര്‍ നടിയെന്ന നിലയിൽ വളരെയേറെ അറിയപ്പെടുന്ന താരമാണ്. കരുത്തുറ്റ കഥാപാത്രങ്ങളിലൂടെ ആരാധകർക്ക് പ്രിയങ്കരിയായ വരലക്ഷ്‌മി ശരത്‌കുമാർ സംവിധായികയാകാൻ പോകുന്നുവെന്ന വാർത്തയാണ് ഇപ്പോൾ പുറത്തുവരുന്നത്. കണ്ണാമൂച്ചിയാണ് വരലക്ഷ്‍മി ശരത്‍കുമാര്‍ ആദ്യമായി സംവിധാനം ചെയ്യുന്ന ചിത്രം.

സ്‍ത്രീകള്‍ക്കെതിരെയുള്ള അതിക്രമങ്ങളെ വിമര്‍ശിക്കുന്ന ചിത്രമായിരിക്കും ഇത്. അതേസമയം ആരൊക്കെയാകും ചിത്രത്തിലെ അഭിനേതാക്കൾ എന്ന കാര്യം വെളിപ്പെടുത്തിയിട്ടില്ല. പോടാ പോടീ എന്ന ചിത്രത്തിലൂടെയായിരുന്നു വരലക്ഷ്‍മി ശരത്‍കുമാര്‍ അഭിനയരംഗത്ത് എത്തിയത്. മലയാളത്തില്‍ കസബ എന്ന ചിത്രത്തിലും വരലക്ഷ്‌മി അഭിനയിച്ചിട്ടുണ്ട്.