കെ ആര്‍ അനൂപ്|
Last Modified തിങ്കള്‍, 18 മാര്‍ച്ച് 2024 (11:12 IST)
ആഷിഖ് അബു സംവിധാനം ചെയ്യുന്ന പുതിയ ചിത്രമാണ് റൈഫിള്‍ ക്ലബ്ബ്. സിനിമയില്‍ വില്ലനായി ബോളിവുഡ് സംവിധായകനും നടനുമായ അനുരാഗ് കശ്യപ് എത്തുമെന്ന് നേരത്തെ റിപ്പോര്‍ട്ടുകള്‍ ഉണ്ടായിരുന്നു. ദിലീഷ് പോത്തന്‍, വാണി വിശ്വനാഥ്, വിന്‍സി അലോഷ്യസ്, വിഷ്ണു അഗസ്ത്യ, സുരഭി ലക്ഷ്മി, റംസാന്‍, ഉണ്ണിമായ, റാപ്പര്‍മാരായ ബേബി ജീന്‍-ഹനുമന്‍കൈന്‍ഡ് എന്നിവരും സിനിമയില്‍ ഉണ്ട്.
റെക്‌സ് വിജയന്‍ ചിത്രത്തിന് സംഗീതമൊരുക്കുന്നു.പ്രൊഡക്ഷന്‍ ഡിസൈനര്‍ അജയന്‍ ചാലിശ്ശേരിയാണ്. ഒപിഎം സിനിമാസിന്റെയും ട്രൂ സ്റ്റോറീസിന്റെയും ബാനറിലാണ് ചിത്രമൊരുങ്ങുന്നത്. എഡിറ്റിങ് വി. സാജന്‍. ആക്ഷന്‍ സുപ്രീംസുന്ദര്‍, മേക്കപ്പ് റോണക്‌സ് സേവ്യര്‍.
ഓണത്തിന് ചിത്രം റിലീസ് ചെയ്യും.
